Is Pregadorias antigas: su signo de sa devozioni - Provincia del ...

506
Pregadoria a mangianu 714
Babbunostedhu piticu piticu
Pesau mi seu in su bonu matinu
Pesau mi seu in su bonu mangianu
Ogus a celu apu artziadu
Ogus a celu e a sa gloriosa
Mamma frisca che sa rosa
Babbu friscu che su lillu
Bosu seis de cudhu Fillu
Bosu seis de cudhu Santu
Babbu Fillu e Ispíritu Santu.
Pregadoria bistendisì 715
Sa camisa mi bistu,
Deus mi est Babbu,
Nosta Sannora, mi est Mamma,
Santu Giuanni mi est padrinu,
mi pòngiant in bonu camminu,
in bonu camminu a passu daretu,
po chi dogna coru siat cuntentu.
Sempri siat alabau
Gesús Sacramentau
e terra apu a torrai.
Pregadoria de sa Cenàbara Santa 716
Apalas de Campusantu,
apu inténdiu unu prantu,
unu prantu de dallori,
ca est mortu su Segnori.
Pregadoria innantis de andai a dormiri 717
Dèu mi nc’intru in su letu,
cun d-un’Àngelu profetu,
cun d-un’Àngelu cantendu
Gesugristu est predichendu,
cun sa luna e cun su soli,
biau Sarbadoi,
IS PREGADORIAS ANTIGAS - SU SIGNU DE SA DEVOTZIONI
ca est meri de montagna,
tristu coru chi si drommit,
chentza èssi cumpangiau,
chini cunfidat cun Deus
sempri at a èssi salvau.
Pregadoria innantis de andai a dormiri
candu su pipiu portàt unu nù
in s’istògomu (su mamutài) 718
Santu Sisinni, Sinnai,
sola sola a mi crocai,
sola sola a mi dromí,
a nemus no timí,
isceti a su mi ammutai,
Santu Sisinni, Sinnai.
Santu Sisinni, Sinnai,
sola sola a mi crocai,
sola sola a mi drommí,
e nemmus a mi ammutai
Santu Sisinni, Sinnai.
Pregadoria intrendi a crésia
po ascurtai sa Missa 719
Acuasanta mi cunfrimu,
saludu a Deus prima e a nosta Sannora,
no apu ascurtau missa ancora,
seu bennia a ndi ascurtai,
nostra Sennora mia lassamí intrai.
Pregadoria po is istracias 720
Santa Bràbara e Santu Giacu
Bosu portais is crais de lampu
Bosu portais is crais de celu
Non tocheis a fillu allenu
Ne in domo e ne in su sartu
Santa Bràbara e Santu Giacu.
(Il secondo e terzo verso vengono in altri
casi invertiti)