Is Pregadorias antigas: su signo de sa devozioni - Provincia del ...

Comune di Tuili
1. Nàscida est s’Illustri Dama
De is Santus Anna e Gioachinu
Templu e Sacràriu Divinu
De Gesús Vírgini e Mamma
Triunfu Vitória e palma
De Deus Reali assentu.
De sa vírgini Maria ecc.
2. Nascis tantu gloriosa
De istellas rivestida
Sentza ispinas produsida
Coment’e sa Mística rosa.
O música Misteriosa
Ses tui adornamentu.
De sa Vírgini Maria ecc.
3. De Daviddi ses discendenti
De Prosapia Reali
Mamma ses celestiali
De Cristus onnipotenti
Aurora risplendenti
De is mortalis salvamentu.
De sa Vírgini Maria ecc.
4. Ti eligint sa ninfa ermosa
Su Babbu Eternu po Filla
Gràtzias plena e meravilla
De su Paràclitu Isposa
De Gesús Mamma gratziosa
Plena de Glória e portentu.
De sa Vírgini Maria ecc.
5. Su mundu s’est alligrau
Ca ti tenit portentosa
Sa nostra Reina Gloriosa
Su Celu totu est adornau
S’inferru est ispantau
Patendu forti turmentu.
De sa Vírgini Maria ecc.
6. Sucurrinosí, Segnora,
Giai ses Mamma de Deus
Prostraus totus pedeus
Su perdonu in cust’ora
Sias nostra Intercessora
Luxi Ghia e documentu.
De sa Vírgini Maria ecc.
7. Siast sa benibenida
Meda tempus aspetada
De Deus ses imbiada
Po nos donai sa vida
De sa genti afligida
Forti amparu e firmamentu.
De sa Vírgini Maria
Celebreus su nascimentu.
V. Nativitas est odie Sante M. V.
R. Cuius vitas illustret Ecclesie.
505
Nostra Signora circhendi a Gesugristu 713
In sa porta de Bellei,
dhui at tres milla cravaus,
una fémina suspirendi,
una fémina cristiana,
nosta Sannora mi est atopada,
cun is àngelus discépulus suus,
Biu dh’eis a fillu miu Gesús,
biu dh’eis a fillu miu amau?
Unu innòi nci nd’at passau ca luxiat prus
de su soli.
Cussu est fillu miu creadori,
cussu est fillu miu Deus.
Andemus, andemus Sannora mia,
cantu prus acuitemus,
incravau dh’agatemus,
tantu in peis,
cantu in manus,
cun sa corona de is ispinas.
Su chi at a nai custa tres bias,
un’ànima de pena ndi at a bogai,
su chi dh’at a iscí e no dh’at a nai,
su chi dh’at a intendi e no dh’at a imparai,
sa dí a su giudítziu,
contras a Deus ndi dh’at a tirai.