Is Pregadorias antigas: su signo de sa devozioni - Provincia del ...

500
Sendhe ancora in s’innocéntzia
Cun rigori giaunasta,
Santidadi dimostrasta
Amanti de s’astinéntzia,
Sa puresa e peniténtzia
Istimas mortificada.
Sias nostra intercessora
Unu maridu tiranu
Pigas po meda obbidiéntzia
Màrtiri de sa passiéntzia
Po tantu tratu inumanu,
De s’isposu soberanu
Ses cun carignu tratada.
Sias nostra intercessora
Cun tanta Persecutzioni
Su coru tuu prus cuntentu
De tali duru turmentu
Triunfas cun s’oratzioni,
S’Isposu cun devotzioni
Lassat sa vida malvada.
Sias nostra intercessora
Candu sa paxi gosai
Ti creis soavementi
Ecu ti bis de repenti
A s’isposu trucidai
Ma tui in perdonai
Totu ses determinada.
Sias nostra intercessora
Is dus fillus chi teniast
A Deus as bófiu dai
Po non lòmpiri a pigai
Sa fengàntzia chi teniast
In s’istadu chi pretendiast
Solécita impegnada.
Sias nostra intercessora
Rita bèni aventurada
Tali disignu divinu
Privat sa regla segrada
Po chi fémina fiudada
Non podit però Agustinu
IS PREGADORIAS ANTIGAS - SU SIGNU DE SA DEVOTZIONI
Cun Batista e Tolentinu
Donat líbbera s’intrada.
Sias nostra intercessora
Is religiosas intantu
Po su prodígiu ispantadas
Ti ammirant consoladas
Po tenni in tali acunnortu
De Madalena in s’ortu
Sa pura rosa incarnada.
Sias nostra intercessora
Rita bèni aventurada
Sendu in sa religioni
E novítzia e professa
Si mirant in tui espressa
Totali perfetzioni
Chi santa emulatzioni
In totus benit causada.
Sias nostra intercessora
De sa mística dotrina
Sa maista singulari
In Càssia grandu esemplari
De isciéntzia peregrina
Ses de sa manu divina
Dotoressa laureada.
Sias nostra intercessora
In sa santa astinéntzia
E virtudis peregrinas
De sànguni tres disciplinas
Fais cun meda frecuéntzia,
O vasu de peniténtzia
Chi minescis imitada.
Sias nostra intercessora
Po èssiri prus diciosa
Cun tali prendha divina
Ti donat Cristu un’ispina
De sa corona pretziosa
Penetranti e dolorosa
Cuíndixi annus dh’as portada.
Sias nostra intercessora