Is Pregadorias antigas: su signo de sa devozioni - Provincia del ...

Comune di Tuili
Sereníssima Reina,
Concreta [?] de Santidade,
Esemplu de umilidade,
Rosa mística Divina,
Abba viva cristallina,
Luna pura e ineclissada.
Prega pro nois
Aurora chi at portadu
Cudhu sole singulare
Chi at dépidu disterrare
Sas umbras de su pecadu,
Nave chi non at proadu
Sa tempesta originada.
Prega pro nois
O suprema Imperadora
De sos ànghelos primesa
E de su Chelu bellesa
De su mundu protetora,
Sias nostra intercessora
In sa pàtria disizada.
Prega pro nois
Arca mística sagrada
De s’eterna monarchia,
Prega pro nois Maria,
Vírgine purificada.
Làudis de sa Vìrgini de s’Arremédiu 707
Tesorera celestiale,
Divina dispensadora,
Acantzàdenos, Signora,
Rimédiu pro dogni male.
Po Patrona titulare
De su Remédiu bos lamaus
Ue totus bos aclamaus
Protetora Singulare
Cheríndhenos amparare
In custa vida mortale.
Alcantzàdenos
Cherindhe ristaurare
Custa santa divotzione
Cun oculta relatzione
Azis chérfidu mostrare
Cudh’afetu singulare
E amore maternale.
Alcantzàdenos
Conoschindhe sa cleméntzia
De bois Virgen Sagrada
Benit sa genti afannada
Cun votos e reveréntzia
Dandhe pro dogni doléntzia
Consolu medicinale.
Alcantzàdenos
Consolu de afligidos,
Refúgiu de pecadores,
Remédiu pro sos dolores
Dimandhant totus unidos
Tzegos, tzopos e tullidos
De dogni guta corale.
Alcantzàdenos
Ses de su mundu allegria,
Ses de su Chelu bellesa,
De sos Àngelus primesa,
De sos santos melodia,
Ses consolu e vera ghia
Contr’a sa culpa mortale.
Alcantzàdenos
Ses Giudita chi as postradu
A Olofernes mortale
Chi cun istragu fatale
As destruidu su pecadu
Lassèndhelu incadenadu
A luciferru infernale.
Alcantzàdenos
Turri davídica forte,
Rosa mística sagrada,
Uliva frutificada,
Cipressu de s’altu monte,
497