Is Pregadorias antigas: su signo de sa devozioni - Provincia del ...

490
Isplicat cun fidi ardenti
Po s’eterna salvatzioni.
A Calasàntziu.
Restat su babbu ammirau
Candu in farta de alimentu
Arribbat su bastimentu
Comenti at profetizau
Calasàntziu non arribbau
A perfeta discretzioni.
A Calasàntziu
A is istúdius aplicau
Fait progressu in s’isciéntzia
Però iscapat de Valéntzia
De tropu amori assaltau.
E vitória at alcantzau
De una forti tentatzioni.
A Calasàntziu
Dhi narat a Roma bai
Una boxi interiori
Ubbidienti a su Signori
A Roma bolit passai
Però innantis bolit fai
A is pòberus donatzioni.
A Calasàntziu
Bit pipius abbandonaus
In d-una pratza gioghendi
E su coru dh’istat narendi
“A tui sunt incumandaus
Po èssiri libberaus
De s’eterna dannatzioni”.
A Calasàntziu
Un’iscola meda pia
Determinat de fundai
E pòberus cungregai
Po dhis serbiri de ghia
E dhis mostrai sa bia
De s’eterna Salvatzioni.
A Calasàntziu
IS PREGADORIAS ANTIGAS - SU SIGNU DE SA DEVOTZIONI
Si dedicat po maistu
De pipius poberitus
Essendu de is prus peritus
E de isciéntzia provistu
De Giusepi Roma at bistu
Sa profunda umiliatzioni.
A Calasàntziu
Cun is líteras sa piedadi
Mentras istat imparendi
Maria dhu istat mirendi
Cun Gesús summa bontadi
Chi donat in realidadi
A totus beneditzioni.
A Calasàntziu
Unu istitutu aplaudiu
Meda in brevi propagau
Po dhu biri arruinau
Totu s’inferru est uniu
Giusepi est su persighiu
Cun forti persecutzioni.
A Calasàntziu
Sufrit cun meda passiéntzia
Is ingiúrias prus penosas
A is paràulas afrontosas
Arrespundit cun cleméntzia
De unu Giob in resisténtzia
At fatu demostratzioni.
A Calasàntziu
Cun èssiri meda innotzenti
E de virtudi adornau
Su corpus mortificau
Dhu tenit frecuentementi
Cali mamma delincuenti
Tratat sentza cumpassioni.
A Calasàntziu
Roma at pótziu ammirai
Immudada sa tzitadi
Intzéndiu de caridadi
Po su próssimu agiudai