Is Pregadorias antigas: su signo de sa devozioni - Provincia del ...

Comune di Tuili
Làudis a su Santìssimu Sacramentu 699
O celestiali alimentu
A nosàterus donau
Sèmpiri siat adorau
Su Santíssimu Sacramentu
Alimentu chi s’Amori
At pótziu solu inventai
De si ofressi po papai
Su meri a su serbidori
Tantu as fatu, Signori,
Po nosi donai cuntentu.
Siat sèmpiri
Tanti at fatu su Creadori
Po creatura tantu vili
Chi sustentat civili
Arricu e de grandu onori
O siat mannu o siat minori
De totus est sustentu.
Siat sèmpiri
Est sustentu chi sustentat
E a totus ganas fait
Cantu prus ti soddisfait
Su disígiu prus aumentat
Cantu gustu isperimentat
S’ànima in cust’alimentu.
Siat sèmpiri
Est sustentu superiori
A sa manna decantadu
Poita at cunservadu
Cun sèi dogna sapori
Si dispensat prus vigori
De cali si siat sustentu.
Siat sèmpiri
No atendas a su sabori
Nemmancu a sa biancura
Chi su chi parit creatura
Est su própriu Creadori
Cuntzédiu est po favori
Segundu su testamentu.
Siat sèmpiri adorau
S’in casu ti netzessitat
A denoti o a dedí
A mengianu o a merí
Mai dhi negat sa visita
De una domu poberita
Mai s’est mostrau assentu.
Siat po sèmpiri adorau
Su Santíssimu Sacramentu.
489
Làudis de Santu Giusepi Calasàntziu 700
Giai chi est logu de aflitzioni
Custu mundu chi biveus
A Calasàntziu invocheus
In dogna tribbulatzioni
Calasàntziu raru portentu
Innantis de nàsciri ancora
Un’istella percussora
Annúntziat su nascimentu
E s’Ispagna luegu at tentu
Motivu de consolatzioni.
A Calasàntziu ecc.
Adornau de bellesa
Nascis Giusepi in Loralta
Destinau a sa prus alta
Famosa e nóbbili impresa.
De sa primu nobbilesa
De sànguini forti unioni.
A Calasàntziu
De soberanu valori
Armau e de pugnali
Intimat gherra fatali
A su crueli tentadori
Giusepi est su bincidori
Sentza s’usu de rexoni.
A Calasàntziu
Ancoras tantu innotzenti
Chi apenas fuedhai iscidi
Is mistérius da sa fidi
A sa prus mísera genti