Is Pregadorias antigas: su signo de sa devozioni - Provincia del ...

486
Po remédiu a su pecadu,
Su dannu ais riparadu
De sa culpa originali.
Alcantzaisí
Cudhu infernali serpenti
Chi a Eva at tentadu
Po órdini de s’Onnipotenti
At Maria sugetadu
Privilégiu riservadu
At puru su virginali.
Alcantzaisí
Eletu Lillu puríssimu,
Palena in cades esaltada,
Mirra de odori suavíssimu,
Rosa mística sagrada,
Bella pura e preservada
De dogna culpa veniali.
Alcantzaisí
Cumparis bella, Maria,
Ammiràbbili portentu
De is santus ornamentu,
Seis de su mundu allegria,
Vera luxi e vera ghia
In custa vida mortali.
Alcantzaisí
Sovrana ecelsa Reina
In su Celu coronada
Cun grandesa peregrina
Subr’a totus sublimada
Sa prus digna e venerada
In sa corti celestiali.
Alcantzaisí
Ti saludu, templu vivu,
De s’Augusta Trinidadi,
Paxi gosu e lenitivu
De s’aflita umanidadi
Suncurrédinos cun piedadi
In s’última ora fatali.
Alcantzaisí
IS PREGADORIAS ANTIGAS - SU SIGNU DE SA DEVOTZIONI
Seis vasu de grandu onori
In s’insigna devotzioni,
Isperantza a su pecadori
De aflitus consolatzioni
Bos mostrais in s’oratzioni
Mama sa prus libberali.
Alcantzaisí
O dulcíssima Maria
O coru prenu de amori
Chi regnat in cumpagnia
De s’Eternu Creadori
Collocat ogni viadori
In salvu portu immortali.
Alcantzaisí
Cun pregadorias e votus
Suplicaus cun umildadi
Chi doneis a is devotus
Saludi e felicidadi
E pustis in s’eternidadi
Sa Glória celestiali.
Alcantzaisí
Làudis a Santa Greca 696
In Déximu bella aurora
Nascis de gràtzias luxenti,
Sias de sa divota genti,
Santa Arega, intercessora.
Picinna de pagus annus
Plena de Santa dotrina
Fuis s’eterna ruina,
Zelosa imparas is mannus
Pubblichendu is disingannus
Fata celesti dotora.
Sias
Is Romanas podestadis
Ardendu de ira e furori
Cumandant gosint onori