Is Pregadorias antigas: su signo de sa devozioni - Provincia del ...

Comune di Tuili
Assistis vasu doradu
Candu su Verbu incarnadu
Ti fatesit Genitora.
Pro nosu
In su supremu contzillu
Da sa Divina natura
Regnat cun su Deus Fillu
Custa Deífica figura
Sendu in sa Celesti altura
De donus ministradora.
Pro nosu
Arcu ermosu triunfali
Circundadu de cleméntzia,
Sacràriu Celestiali
De cudha Divina Esséntzia,
A chini donat reveréntzia
Soli, Luna e Aurora.
Pro nosu
Sa Celesti Gerarchia
Grandus Lodes intonesit
Candu Gabrieli intresit
Repitendi “Ave, Maria!”
O Luxi, Consolu e Ghia
De s’ànima pecadora.
Pro nosu
Maria, Mari abbundanti
De Gràtzias in dogna cosa
Maria Soli Illustranti,
Eleta mirra odorosa,
Frisca de Géricu Rosa
De malis reparadora.
Pro nosu
Maria Soli Divinu,
Maria Lillu Doradu,
Maria Virdi Giardinu,
Maria ortu serradu,
Maria vasu sagradu
De dogna bèni inventora.
Pro nosu
In cudha Celesti Divina
De s’altu Predestinanti
Ti Connoscint po Reina
De sa Glória Triunfanti
Totu su coru illustranti
Ti làudant imperadora.
Pro nosu
Ave Maria esaltada,
Ave Maria pretziosa,
Ave Maria Gloriosa,
Ave Maria innaltzada,
Ave Maria avocada,
Ave Maria Protetora.
Pro nosu
Già chi ses tantu esaltada
Pro tantus modus, Maria,
Teni po incumandada
Custa indigna cunfraria,
Servi a nos de luxi e ghia
De sa vida in s’última ora.
Pro nosu prega, Maria,
De su Rosàriu Segnora.
485
Làudis a sa Vìrgini Maria de sa Saludi 695
De totus consoladora
Seis mama universali,
Acantzainosí Segnora
Saludi a dogna mali.
Po Divina dispositzioni
Seis pura immaculada
In sa própria cuncetzioni
Seis istada preservada
De Deus privilegiada
Sa prima e sentza uguali.
Alcantzaisí
Su Divinu Creadori
S’at elargidu e disignadu
Mama de su Redentori