Is Pregadorias antigas: su signo de sa devozioni - Provincia del ...

Comune di Tuili
A su pecadori,
Mannu e minori
Gosit allegria.
Dormi
Altri per il nascimento di Gesú Cristo che
si cantavano alla fine della Messa.
_______________
Allirgadí, pecadori,
Non bivas prus afligiu
Ca in custa noti est nasciu
In Betlèm su Salvadori.
Custa noti s’est bestiu
Su Celu de fini amanti,
Su primugénitu infanti
In d-un’istadha est nasciu,
Maria dh’at parturiu
Sentza pena e ne dolori.
In custa noti ecc.
Acabbada est già sa gherra
Chi teniast a Creatura,
Glória a Deus in s’altura,
Paxi a s’ómini in sa terra,
In dogna muntànnia e serra
Si bit grandu resplendori.
A mesunoti
Si binti tantis signalis
Chi is pastoris s’ispantant
Poita in is alturas cantant
Is corus Angelicalis,
Paxi e vida a is mortalis
E Glória a su Creadori.
A mesunoti
Cudhus pastoris s’ispantant
De is signalis chi mirant
Cun is calis s’incaminant
Fintz’a su logu chi agatant,
De is brebeis si apartant
Circhendi su Redentori.
A mesunoti
In is Celestis alturas
Cumpargesit un’istella
Luminosa e tantu bella
Chi allirgat is creaturas
Disterrendi is tristuras
Ammitendidhu s’errori.
A mesunoti
Cust’istella de allegria
Risplendenti s’est oferta
Subra una domu iscoberta
Aundi est Giusepi e Maria
Sentza umana cumpangia
Adorendu su Creadori.
A mesunoti
Celebreus cun cuntentu
Sa Santa Natividadi
E de sa mallinnidadi
Tengaus repentimentu
In su Santu nascimentu
De Gesús nostru Signori.
A mesunoti
Giài chi nascis temporali
In Betlèm veru Messias
Nasci ancora in is ànimas bias
Cun frutu ispirituali
Po chi sa vida mortali
Ultimeus sentza errori.
A mesunoti
S’altu Príntzipi Supremu
Chi celu e terra at creau
Istat patendu umiliau
Po custu mundu terrenu
Nascendu in mesu de su fenu
Tantu ricu Signori.
A mesunoti
481