Is Pregadorias antigas: su signo de sa devozioni - Provincia del ...

Comune di Tuili
De un’umana creatura?
Pro chie est cussa tristura
Pro chie tantu lastimades?
Nade Signora
Nos declaras cun rexone
Sa pena est sentz’acunnortu
Chi depet esser su mortu
Alguna grandhe persone,
De nóbbile conditzione
E de mezus calidade.
Nade Signora ecc.
Pro chie tantu dolorosa
Pro chie tantu afligida
Pro chie tantu sentida,
Pro chie tantu fastizosa!
Depet esser pretziosa
Sa prendha chi suspirades!
Nade Signora ecc.
Azis su coru atristadu
Po calchi bonu maridu
O calchi fizu nodidu
Est sa prenda chi est fatadu: [faltadu?]
Nade comente est costadu
Su mortu chi lastimades.
Nade Signora ecc.
Altzade, Signora mia,
Unu pagu cussu mantu
E nàdennos intretantu
Pro chie est cussa agonia,
Chi totu sa cumpagnia
Da penas alleviades.
Nade Signora ecc.
Umilmente bos pedimus
Chi sa cara nos mostrezis
Ca no ischimus chie sezis
Si sa cara non bidimus,
In su dolu connoschimus
Sas bostras penalidades.
Nade Signora ecc.
Acasu, Signora mia,
Sezis cudha lastimada,
Aflita e disconsolada
Sa chi si narat Maria?
Comente, mare de agonia
E de contrariedades?
Nade Signora ecc.
Unu fizu chelestiale
Unu mortu a issa tambene
A totus faghiat bene
E a nemos faghiat male
Cun cussu dolu mortale
Su coro nos trapassades.
Nade Signora ecc.
Signora posta in fastizu
Nàdennos cun trista boghe
Si su mortu chi est inoghe
Bos tocat de parentizu,
Si est acasu cudhu fizu,
Su mortu chi abbratzades.
Nade Signora ecc.
Pro sa segundha die
Isculta pópulu amadu
Ca seo posta in corrutu
Pro fizu meu defuntu
Portu su mantu atristadu.
__________
Pópulu meu elegidu
Pópulu meu istimadu:
Proite l’as crocifissadu
A fizu meu nodidu
Proite mi l’as iscupidu
Proite mi l’as atzotadu.
Pro fizu meu ecc.
Mi preguntas pro su mantu
Proite lu portu atristadu:
Tue mi l’as causadu
Custu dolu e custu piantu;
473