Is Pregadorias antigas: su signo de sa devozioni - Provincia del ...

Comune di Tuili
Gosendi in s’Eternidadi
Cun méritus infinitus,
Pregai po nosu aflitus
In sa celesti Tzitadi,
Po sa bosta santidadi
Tengaus s’eternu gosu.
Pregai ecc.
V) Ora pro nobis Sancte Antoni Abbas.
R) Ut digni efficiamur promissionibus
Christi.
Gòcius de su SS. Sacramentu 685
Adoreus su Redentori
In s’óstia velau
Sacramentu de amori
In sa cruxi consumau
In sa cruxi sigillau
Po eternu monumentu
De s’amori chi nos at tentu
Cussu coru apassionau.
Sacramentu
Issu at bófiu ocultai
Bàsciu is ispétzias atzidentis
Is gràtzias prus ecelentis
Chi obbligant a dh’amai
Po cussu est bófiu aturai
In alimentu Sacramentau.
Sacramentu
Ascurta cun tantu amori
Ti tzérriat apassionau
Beni a mei, fillu istimau,
Beni a mei, o pecadori:
Mi ses fillu de dolori
In sa cruxi riscatau.
O Sacramentu
Chi s’acosteis bollu a mei
Fillus mius traviaus
Fillus càrrigus de pecaus
E ribbellus a sa lei
Dèu seu cudhu Rei
Rei pacíficu intitulau.
O Sacramentu
Benei a mei fillus mius
Ingratus e isconoscentis
Non si bollu prus dolentis
Non si bollu prus afligius
Ma si bollu ripentius
Sentza mància de pecau.
O Sacramentu
Si mi bieis totu amori
Benei puru a bratzus mius
Tantu mannus che pipius
E su giustu e pecadori
Su giustu po prus fervori
Su reu pràngiat umiliau.
O Sacramentu
Seu dispostu a perdonai
Totus is culpas e pecaus
Ma is vítzius abbituaus
Est fortzosu abbandonai
Cunditzioni po lograi
Su perdonu preparau.
O Sacramentu
De s’amori chi apu tentu
Ndi rexonat custu costau
Ma inní est ammentau
Tantu augustu Sacramentu
......................................
Si m’arrecit purificau.
O Sacramentu
471
Seu in tronu de magestadi
Ca seu Rei universali
Mera s’órdini satzerdotali [mira?]
Da mei creau po buntadi
Cunfessa cun sinceridadi
T’assolvit chi ses ligau.
O Sacramentu