Is Pregadorias antigas: su signo de sa devozioni - Provincia del ...

Comune di Tuili
Eo bengo si tue andhas
A morrer ambos impare.
__________
Mamma sa piús afligida
Arribbadu est su tempus meu
A manus de su Giudeu
Depo rendher custa vida
Ordinantza istituida
Po cudhu primu pecadu.
O Mamma ecc.
Fizu miu pretziosu
Crudele est custu decretu
Pro chi dus restare in afetu [des?]
Subra sa rughe inclavadu
Fizu e cantu ti est costadu
De Adamu su mandhigare.
Eo bengo si tue andhas ecc
Adamu pecat mandhigandhe
E dèu lu pagu morindhe
Adam pecat divertindhe
E deo lu pagu penandhe
Adam su frutu gosandhe
E deo in s’àlbure inclavadu.
O Mamma ecc.
Repara tra monte pastore
In cussa edade fiorida
E non intreghes sa vida
A su giudàicu furori
Però creo chi s’amore
Non ti lassat riposare.
Eo bengo si tue andhas
Tenet Adam su sabore
De cudha fruta fedada
Pro me est apariciada
Pena, amargura e dolore
Ca de s’ómine s’amore
Su coro mi at robbadu.
O mamma ecc.
Cale coro non det sufrire
Bidendhe a tie in turmentu?
Chie det tenner cuntentu
Bidendhe a tie patire?
Fintzas sas perdas sentire
Depent dolu singulare.
Eo bengo ecc.
Non tenet apellatzione
Custa orríbbile senténtzia
Fagher depo s’obbediéntzia
Pro dare redentzione
A su mundu cativadu.
O mamma ecc.
Fizu sa beneditzione
Chi domandas tue a mie
La domandho eo a tie
Cun vera sommissione
Pro ch’in sa tua passione
Custu ti det consolare.
Eo bengo ecc.
Benedita sias cantu
Podet cudhu eternu Re
Benedita siast de Me
E de s’Ispíridu Santu
De cudhu celeste mantu
Tengas consolu sobradu.
O mamma ecc.
Beneditu, o fizu amadu,
Cun su Babbu chi t’imbiat
Beneditu puru siat
Su late chi ti apo dadu
E su samben chi ministradu
Apo pro t’ingenerare.
Eo bengo ecc.
Adios Mamma atristada,
Adios Mamma afligida,
Da dolores assistida,
De tormentos inghiriada,
Pro amparu destinada
De su meu Apostoladu.
O Mamma ecc.
467