Is Pregadorias antigas: su signo de sa devozioni - Provincia del ...

Comune di Siddi (Sidhi)
poita in tue s’est cumprida
su mistériu piús amante:
ses passadu triunfante
de sa morte a sa gloria.
Custa Pasca nos at dadu
vida eterna, eternu risu,
custu esíliu in paradisu
Deus amanti at cambiadu
resurgendi nos at nadu
a dhi faghe cumpagnia.
Pillonedhu crispu crispu 660
Pillonedhu crispu crispu,
ita portas in su pitzu?
“Ollusantu batiau”
Gesugristu est nomenau,
nomenau in sa novena.
Ave, Maria, gràtzia prena!
Pillonedhu pitiu pitiu 661
Pillonedhu pitiu pitiu,
pesau mi seu de bonu camminu
pesau mi seu de bonu mengianu
ogus a celu apu artziau,
ogus a celu a sa Gloriosa.
Frisca seis che sa rosa,
frisca seis che su lillu.
Mamma cara, cudhu Fillu,
mamma cara, cudhu Santu,
Padre Fillu e Ispíritu Santu.
Po s’ogu liau… 662
E de sant’Antiogu:
dhi torreus s’ogu!
E de santu Brai
s’ogu a dhi torrai!
E de santu Pantaleu
s’ogu dhi torrai deu!
E de santu Libberau
s’ogu dhi apu torrau!
Altri..
In nòmini de Deus:
s’ogu dhi torreus!
Pregadoria 663
459
A innoi sesi andendi, Nostra Signora mia?
Dèu seu andendi a cicai a fillu miu.
Baxi ca fillu bostu est in monti monti
una gruxi de òru portais in fronti
una gruxi de òru podeis portai
e no mi podeis lassai passai?...
Pregadoria 664
Intra montis e montagnas c’est Maria
nòmmini,
Gesugristu s’est fatu ómini po mesu
de sa mamma
Misenia ànima chi dromit sentza si
arragodai
A chi si cunfidat cun Deus no at a pecai mai.
Pregadoria 665
O dulci, o sacra famíllia divina,
totus is tres devotus de su moribbundu.
Su primu est Gesús difati e Maria,
intzà dhui est Giusepi, frori gerecundu,
ti donu su coru e s’ànima mia,
ti arracumandu is chi funt in su mundu,
a mimi atotu, sa cristiania.
A favori nostru ses capitanu,
a gherrai e binci s’ànima afligida,
su cropus non podit candu est suterrau
ca est sentza de vida e sentza armonia,
o dulci, o sacra famíllia divina.