Is Pregadorias antigas: su signo de sa devozioni - Provincia del ...

Comune di Siddi (Sidhi)
Ses sollievu a sa sunfrenti
De partu in duras penas,
Su presoneri in cadenas
Sciollis cun bratzu potenti,
Si acusant un’innocenti
Ti oferis po difensori.
Antoni ecc.
Bollis biri unu portentu?
Ricurri sentza dudai
Chi de tzertu as a incontrai,
prontamenti e sentza istentu,
Calisiollat perdimentu
De pagu o meda valori.
Antoni ecc.
Àcua, terra, fogu e bentu
Sunt a Antoni riverentis,
Is astrus, su firmamentu;
Mula sentza intendimentu
Adorat su Creadori.
Antoni ecc.
Cun sa morti non est cessau
Su poderi sorprendenti:
Ti proclamat dogna genti
Taumaturgu signalau;
Curri a Pàdua, isconsolau,
Chi certu otenis favori.
Antoni ecc.
Già chí imoi ses collocau
In tant’altura de glória,
Teni sèmpiri memória
De chini ti at invocau;
De cussu sóliu dorau
Miranosí cun amori.
Antoni ecc.
Dotau de su Signori
De poderi soberanu,
Taumaturgu paduanu
Siast nostru intercessori!
Gòcius a Santu Micheli Arcàngelu 646
1. Celesti ciudadanu
In celu stimadu tantu,
Micheli Arcàngelu Santu
De is Àngelus capitanu.
2. Micheli Santu diciosu
E Arcàngelu eminenti,
Capitanu valorosu
In celu e terra potenti,
O divinu presidenti
De s’altu Rei soberanu.
Micheli Arcàngelu etc.
3. O efige verdadera
De su prus mellus pinzellu,
Lillu biancu e flori bellu
De sa mellus primavera,
Raju in sa celesti isfera
De su soli soberanu.
Micheli Arcàngelu etc.
4. Cun tanta divina fama
In tronu tantu esaltadu
Su celu ti est babbu e mamma
Inui Deus ti at creadu,
Divinu ispíritu altzadu
Inumbradu cortesanu.
Micheli Arcàngelu etc.
5. In cussa celesti glória,
In cussu Olimpu sagradu
Sa supérbia e vanaglória
De s’alta sede as getadu,
Micheli, valenti armada
Cun s’ispada e lantza in manu.
Micheli Arcàngelu etc.
6. Po iscudu est sa balantza
A s’ànima chi at rezelu,
Tui is portas de su celu
Oberis cun cussa lantza,
447