Is Pregadorias antigas: su signo de sa devozioni - Provincia del ...

Comune di Arbus
E cun custa divotzioni
Arrestesit libberada.
Sucurreinosí ecc.
11. Is de Ítria apestaus
De sa maligna influéntzia
Cun sa bella bosta preséntzia
Già si binti libberaus
Andendisindi illibbaus
Cun sa vista bosta sagrada.
Sucurreinosí ecc.
12. Tzopus, macus, istrupiaus
Pòberus, tzurpus e tullius,
De bosu sunt assistius,
Po bosu sunti curaus,
Pòberus e disisperaus
Pigaidha po abbogada.
Sucurreinosí ecc.
13. Sucurrei is poberitus
In dogna necessidadi,
Chi bos nanta mamma piedadi,
De fillus bostus aflitus
Mirai is corus contritus,
Mamma nostra venerada.
Sucurreinosí ecc.
14. Fillus mius istimaus
Fillus de s’ànima mia,
Dèu seu s’allirghia
De totu is disconsolaus;
Fillus istei confiaus
Chi bos serbu de abbogada.
Sucurreinosí ecc.
De Gesús Mamma istimada
Dulcíssima protetora,
Sucurreinosí a dogn’ora
Mamma de Ítria lamada.
V) Ora pro nobis, Santa Dei Genitrix
R) Ut digni efficiamur promissionibus
Christi
43
OREMUS
Protège, Dòmine, fàmulos tuos subsidiis
pacis, et Beatae Mariae semper Virginis
patrociniis confidentea a cunctus hostium
redde sècuros
V) Per Christum Dominum nostrum
R) Amen
Gòcius de Sant’Antoni de Pàdua 7
Portentu de su Signori,
de sa crésia glória e vantu,
Antoni de Pàdua santu,
siais nostru protetori.
Bella planta frutuosa
de sa manu onnipotenti,
alta, seràfica menti
de dotrina prodigiosa,
viva istella luminosa
de celesti risplendori.
Antoni de Pàdua santu...
Birdi cipressu divinu
in Lusitània piantau,
depustis chi as abbratzau
is precetus de Agostinu,
de Franciscu Serafinu
ti ses fatu imitadori.
Antoni de Pàdua santu...
Postu in sa Religioni
de su santu Patriarca,
in cussa mística barca
cun ferventi divotzioni,
su portu de salvatzioni
as otentu cun onori.
Antoni de Pàdua santu...
De vivu amori infiammau
in cussu santu giardinu,
de Gesús, Verbu divinu,