Is Pregadorias antigas: su signo de sa devozioni - Provincia del ...

430
Atu de contritzioni 620
IS PREGADORIAS ANTIGAS - SU SIGNU DE SA DEVOTZIONI
SETZU
Signori, misericórdia, mi ndi pentu de is pecaus mius, s’apallamenti [?] mi ndi pentu
chi apu oféndiu a Deus tanti bonu e tantu amàbbili cumenti seis bosu, bollia èssiri
mortu prima de dh’ai oféndiu sa divina gràtzia bosta e aici siat, Signori Gesús, misericórdia.
Atu de riparatzioni a su Santissimu Coru de Gesùs de arresai in sa festa sua 621
O dulcíssimu Gesús, de su cali s’immensu amori po is óminis benit cun tanta ingratitúdini
corrispostu da scarescimentu da dispretzu 622 , da trascuradesa e da disprétziu;
ecu chi nosu, prostraus a is altaris bostus intendeus riparai cun particolari atentzionis
de onori una aici indigna fridesa e is ingiúrias cun is calis da dogni parti benit feriu da
is óminis s’amadíssimu Coru bostu.
Arregordendu però chi nosu puru altras bortas nosi seus manciaus de tanta indignidadi
e provendindi vivíssimu dolori, imploraus prima de totu po nosu sa misericórdia
bosta prontus a riparai cun voluntària espiatzioni, non solu is pecaus commítius da
nosu etotu, ma ancoras cudhus commítius da cudhus chi, andendu lontanus da sa bia
de sa saludi, o ricusant de sighiri a Bosu cument’e pastori e ghia, ostinendusí in sa
infelidadi insoru o calpestendu is promissas de su batísimu, ant scótiu su suavíssimu
pesu de sa lei bosta.
E mentras intendeus iscontai totu cantus is deplorevolis delitus de s’umanidadi, nosi
proponeus de dhus riparai dognunu in particulari: s’immodéstia e is bruturas de sa
vida e de is galas, is insídias tramadas da sa corrutzioni a is ànimas innotzentis, sa
profanatzioni de is dis de festa, is ingíurias orrendas iscagliadas contra de Bosu e de
is santus bostus, is insultus lanciaus contra su vicàriu bostu e s’órdini sacerdotali, is
negligéntzias e is orríbbilis sacrilégius cun is calis est profanau su própriu sacramentu
de s’amori divinu, e infinis is culpas púbblicas de is natzionis, chi contràriant is
deretus e su magistériu de sa Crésia da Bosu fundada.
E, oh! podéssimus nosu sburrai cun su sànguini nostru custus afrontus! Intantu in
riparatzioni de s’onori divinu bistratau, nosu presentaus a Bosu acumpangendidha
cun is esprietzionis [espiatzionis?] de sa Vírgini Mamma bosta, de totus is Santus e
de is ànimas pias, cudha soddisfatzioni chi Bosu etotu una dí ofrestis in sa gruxi a
s’eternu Babbu e chi dogna dí rinnovais in is altaris: promitendu cun totu su coru de
bòliri riparai de parti nosta cantu est possíbbili e cun s’agiudu de sa gràtzia bosta is
pecaus commítius da nosu e da is atrus e s’indiferéntzia po tantu amori, cun sa firmesa
de sa fidi, s’innocéntzia de sa vida, s’osservàntzia perfeta de sa lei evangélica