Is Pregadorias antigas: su signo de sa devozioni - Provincia del ...

428
Pregadoria 612
Nostra Signora, lassaimí intrai
no seu siguru de torrai mortu e de torrai biu
no seu siguru chi innòi apu a torrai
ne cun s’ànima ne cun su corpus.
Pregadoria 613
Acuasanta benedita
is Àngiulus dh’anti bèni iscrita
ànimas abbandonadas
in Purgatóriu seis istadas
in su Celu abasceis
custa gràtzia mi alcantzeis
dogna cosa bella po su bonu cristianu
in custa terra lambrigosa cumentzat
e acabbat cun sa Santa Gruxi.
Pregadoria andendi a Crésia 614
Bandu e mi cunfrimu
cumentzu primu primu
su caminu de Cresia
non bandu cun fantasia
ma cun fidi e pentzamentu.
Saludeus a Gesús
e su Santu Sacramentu.
Pregadoria de su noti 615
Nostra Signora mia coronada,
letu ‘e batísimu s’est crocada,
letu ‘e batísimu bèngiat, crochissí,
essendi fadendi custa visioni,
beniu est a benni Santu Sarbadoi,
m’at nau “Mamma ita fadeis, billais o
dormeis?”
Deu non dormu e non billu, o caru miu fillu,
notesta mi pariat ca is giudeus ti teniant,
notesta mi pariat ca is giudeus t’aguantanta,
IS PREGADORIAS ANTIGAS - SU SIGNU DE SA DEVOTZIONI
sa corona de òru ti ndi piganta,
sa de ispina ti poniant,
ollu e axedu ti ungiant,
ollu e axedu t’iant untu,
su costau mancu t’iant puntu,
su ‘e destra t’iant lantzitau,
siat a trigu, siat a pressi,
mamma custu bisu costau dh’at a èssi.
Pregadoria innantis de sa Confessioni 616
Giugi miu Signori
bandu a peis de su Cunfessori
ca bollu cunfessaimí
innantis de mi partí
de custa miseràbbili vida
in penitentza cumplida.
Mia est totu sa curpa
sa vista mia est tzurpa
de Bosu bollu sa luxi,
una morti, un’Inferru,
unu giudítziu, una glória.
Sa camisa mi bistu - Serrenti 617
Sa camisa mi bistu
in nòmini de Gesugristu,
in nòmini de nostra Sennora
e ti fatzat a filla bona.
Su letu miu est de cuatru cantus,
dhoi cròcanta cuatru santus,
dus a peis e dus a conca
nostra Sennora siat innòi pronta
po mi nai “Drommi, riposa
e no pentzist a nisciuna atra cosa”.
Santa Bràbara e Santu Giacu,
bosu portais is crais de lampu,
bosu portais is crais de celu,
non tocheis a fillu allenu
ne in domu ne in su sartu.
Santa Bràbara e Santu Giacu.