Is Pregadorias antigas: su signo de sa devozioni - Provincia del ...

Comune di Serrenti
infami infami Munsegnori
infami infami Giuanni e Maria.
Una fémina s’est posta in bia
a Fillu miu eis bistu passai?
Sissignora ca Dh’apu bistu passau
ca fuit meda sudau
arrutu a terra de disgustu
su Santuanni e sa Maddalena
de terra ndi Dh’ant pesau.
Andamus, andamus a su Monti Calvàriu
inní Dh’eis a incontrai
cun sa lantza e sa Divina a su costau.
Chi at a nai custa dogna cenàbara
de annu
ndi at a pigai un’ànima de pena e sa sua
de pecau.
A chi dh’at a iscí e no dha narat
a chi dha intendit e no dha imparat
sa dí de su Giudítziu dh’at a bí.
Pregadoria 609
Àngelu miu guardiadori
dèu si tengu cun amori
po mi fai sentinella
chi no bèngiat s’aremigu
e mi portit cautela.
Pregadoria 610
Dèu serru s’enna mia
cun sa manu de Maria
cun sa manu de Giuanni
chi no mi portit ingannu
chi no mi portit frassia
dèu serru s’enna mia.
Pregadoria 611
Sa Mesa de su Signori
po mei est apariciada
427
de àngelus ingiriada
de àngelus po dha podi serbiri.
Diciosa est cudha dí
s’ànima mia est límpia e pura
apu a andai a sa segura
sigura e non m’ingannu
non nci nd’at Signori
de custa nobbilesa
s’ànima mia est límpia e pura
seu sigura e non m’ingannu
de mi biri in custa mesa
chi s’ànima mia est límpia e pura
apu a andai a sa sigura
seu sigura e non m’ingannu
non nci nd’at Signori
de cust’atra nobbilesa
mi apu a biri in custa mesa de su Celu
apu a amai a Gesús bellu
custa gràtzia chi mi fais
in manu mi passais is crais de sa glória
dèu chen’e memória mi pòngiu a dha
gosai
dèu cust’òpera bollu fai immoi
bollu andai a su Divinu Mandiai
chi est propostu e preveniu.
Is crais de sa glória
innòi mi eis bitiu.
Sa dí de sa sperantza
e cun Bosu sa cunfiantza
bollu tenni
ca iscít totu su bèni de s’ànima
isposa Bosta
po cussu a mei po mi allirgai
e duncas acoitai Amatíssimu Signori
Amorosu miu Pastori e Rei.
Candu dèu ti apu a amai
eterna vida eternu zelu
e apu a gosai de su Celu
diciosa cudha dí
chi s’ànima mia límpia e pura
si bandit sigura e sentza ingannu
no c’est prus istadu mannu de custa
nobbilesa.