Is Pregadorias antigas: su signo de sa devozioni - Provincia del ...

Comune di Serrenti
de dogna tribbolau ses su respiru.
A Tui pràngiu e suspiru
in custa badhi oscura
Maria totu dultzura e totu amori
Mama de su Signori
cun mirada piedosa
materna e amurosa
castiainosí.
Maria difendisí
cun maternali zelu
e a Fillu Tuu in su Celu
fainosí biri.
Ti pregu de arriciri custa pregadoria
totu amurosa e pia
dulci e clementi.
De s’antigu serpenti
donainosí vitória
pustis s’eterna glória in Paradisu
aundi in cantu e in risu
mirendudí serrada
bivaus vida biada eternamenti. Aici siat.
Gòcius de Nostra Signora 595
(po sa Cida Santa)
Rit: Is crudelis doloris mius
unu pagu cuntemplai.
• Custu coru trapassau
si movat a cumpassioni
candu su Profeta Simeoni
mi dh’iat profetizau
de bí a Fillu miu amau
in d-una gruxi incravau.
Is crudelis doloris mius
unu pagu cuntemplai.
• Un’Erodi presighendi
a s’innocenti miu Gesús
su dolori prus e prus
andendi in mei aumentendi
de bestiali furori iscampendi
in Egitu mi depu cuai.
Is crudelis doloris mius
unu pagu cuntemplai.
• Seu de penas ingiriada
po tres dis circu e no biu
cust’amori de Fillu miu
chi in su templu disputàt
e biendumí abandonada
non iscidia cumenti fai.
Is crudelis doloris mius
unu pagu cuntemplai.
• Restu casi dimajendi
ca sa pena est tropu forti
cundennau a infami morti
a Fillu miu cuntemplendi
sa Gruxi a codhu portendi
apenas podit caminai.
Is crudelis doloris mius
unu pagu cuntemplai.
• Is crudelis lantzadas
su costau Dhi ant obertu
a Fillu miu ant fertu
a sa Mama tribbuliada
is penas riservadas
bivu solu po penai.
Is crudelis doloris mius
unu pagu cuntemplai.
• In solidadi trista
seu immoi isconsolada
de angustias acumpangiada
de aflitzioni provista
aundi fúrriu sa vista
penas solu depu incontrai.
Is crudelis doloris mius
unu pagu cuntemplai.
• Cudhu gosu chi tenia
cudhu cuntentu in Betlemi
s’ingrata Gerusalemi
dh’at cunvértiu in agonia
cudha tanta allegria
fata a benni a parai.
Is crudelis doloris mius
unu pagu cuntemplai.
421