Is Pregadorias antigas: su signo de sa devozioni - Provincia del ...

Comune di Serramanna
Óstia Santa Coronada.
Àrtzia, càlixi miu,
cun su coru ti biu
cun su coru in assentu
beneditu e allabau
su Santíssimu Sacramentu.
Pregadoria 566
De acuasanta mi cunfrimu
saludu a Deus in primu
e a Nostra Signora
no apu biu Missa ancora
seu benida a dh’ascurtai,
Nostra Signora lassaimí intrai.
Pregadoria 567
Aberidha sa cortina
ca bollu bí su Fillu de Maria
ca est in s’altari magiori
brintu a Crésia cun timori
mi doneis assentu.
Siat alabau su Santíssimu Sacramentu.
Pregadoria 568
Sant’Antoni miu de su fogu
a nòmini miu pregai
a Gesús poderosu
Mamma bosta Maria
donaimindi ispia de chi seu circhendi
Mamma mia at a crei
bonas ispias at a tenni
bonas ispias at a donai
su mortu fait fuedhai
su presoneri fait isferrai
po is donus de virtudi
Gloria Patri et Fili et Spiritu Santu
sicut erat in principio nunc et semper
in secula seculorum. Amen.
Pregadoria 569
Dèu mi crocu po mi dromí
is Àngelus bèngiant a visitaimí
dus a peis e cuatru a conca
Nostra Signora est innòi pronta
po mi nai “Maria, riposa”
Nostra Signora mia Gloriosa.
Pregadoria 570
Su letu miu est de cuatru cantus
e dhoi crocat cuatru Santus
cuatru Santus de su Celu
Luca, Giuanni, Pera e Mateu.
Pregadoria 571
Dèu serru s’enna mia
cun is fustis de Maria
cun is fustis de Giuanni
s’aremigu non m’ingannit
ne a morta ne a bia
dèu serru s’enna mia.
Pregadoria 572
Intru a Crésia cun timori
m’ingenugu cun assentu
alabau siat su Santíssimu Sacramentu
de s’altari magiori
no apu bistu Missa ancora
seu bennia a dh’ascurtai
no seu sigura chi ci apu a torrai
ne cun s’ànima ne cun su corpus
Nostra Signora pregai po totus.
Pregadoria 573
Pibiredhu, pibiredhu
ita dhoi at in s’iscartedhu
413