Is Pregadorias antigas: su signo de sa devozioni - Provincia del ...

40
IS PREGADORIAS ANTIGAS - SU SIGNU DE SA DEVOTZIONI
de pentzamentus, de ideas, de cuncetus tramudaus in fuedhus; sa língua est su manígiu
de is fuedhus comenti unu pópulu e una cultura dhu fait in manera distintiva, fintzas
si no in manera deunudotu diferenti de comenti fait un’àteru pópulu cun àtera língua.
A parti su chi ndi benit de su manígiu de sa língua po totu su chi passat coment’e
“poesia”, in is testus de prosa arta (si pentzit a is novenas, a is via crucis), ma essius
de is manus de Autoris chi pagu ant osservau su manígiu distintivu de sa língua sarda,
si bit prus de una cosa fata a s’italiana (pruscatotu candu funt una tradutzione de
s’italianu fata ‘a manu pigada’, fuedhu cun fuedhu): aici est su cuncordu de is períodus,
su manígiu de su léssicu (meda pigau in pesu), prus de una borta sa sintassi. Sa
tradutzioni de testus nàscius in italianu est isperiéntzia de apretziai meda po su chi
nant; ma su testu de una língua tenit bisóngiu de èssiri torrau a pentzai e isceti a custu
puntu tramudau a s’àtera, e una e àtera tocat a connòsciri bèni assinuncas si bistit
s’una a bisura de s’àtera. In custu, però, su testu chi fiat s’est lassau.
Aici etotu nudha s’est tocau de su chi est forma logudoresa in testus campidanesus.
Is testus nascint in d-unu logu e girant e si adatant, che a sa genti etotu: po nàrriri,
logudoresus chi bivint in Campidanu e manígiant su campidanesu sentza cambiai
totu a campidanesu, fuedhant de Sardus e de sardu in cuntatu, che is testus logudoresus
connotus in Campidanu puru.
Mario Puddu