Is Pregadorias antigas: su signo de sa devozioni - Provincia del ...

406
A su sonu de is campanas po su éspuru 539
A ésperu impura,
A ésperu in terra,
Dónnia ànima at a èssi segura de dónnia
pena,
Dónnia ànima batiada,
De pecau sciorta e perdonada!
Dónnia ànima ndi essat de pena,
Dónnia ànima batiada,
siat isciorta e perdonada!
Àngelu guadriadori 540
Àngelu miu guadriadori
ses mandau de su Redentori
po guadriai s’ànima mia
e s’ànima dolenti!
Dhus tengaus presentis
a sa porta de su Paradisu
Gunzaga Santu Luisu,
santu Bissenti Ferreri;
E sant’Efis gherreri
tengaus a su fiancu.
E non fatzaus de mancu
de nai custa preghiera.
Santa Rosa e Santa Seda
Santa Marta e Santa Maria
tengaus in cumpangia
fin’a s’ora de sa morti.
Gesús ita bella sorti
de biri is àngelus in sa glória
e de tenni sa vitória
candu parteus de custa vida.
IS PREGADORIAS ANTIGAS - SU SIGNU DE SA DEVOTZIONI
SERRAMANNA
Arreina mia coronada 541
Arreina mia coronada
letu de batísimu seis crocada
letu de batísimu crocheis
custa bisioni at fatu...
e in custa bisioni
nerit, Mama, ita fadeus:
billaus o dormeus?
Dèu ti naru, caru Fillu,
ca no dormu e no billu
aici sola m’istau
cun d-unu coru mai ispiru
e notesta mi pariat
ca is giudeus ti teniant,
ti teniant e ti tirànt
sa corona de òru ti ndi pigànt
sa de ispinas ti poniant
feli e axedu ti lungiant.
Nerit, Mama, su chi at billau
tengadidhu cantu est costau.
Chini dh’at a nai tres bias a noti
at a èssi campau de mala morti.
Atu de contritzioni 542
Misericórdia, Signori, mi ndi pentu cun
totu su coru de is pecaus mius, e mi ndi
pendu ca apu oféndiu unu Deus tanti
bonu e tanti amàbbili cumenti seis Bosu.
Bollia èssiri morta prima de si ai oféndiu.
Propongu frimamenti assistia de sa
Divina Gràtzia Bosta de mai prus torrai
a pecai, su próssimu miu cument’e nosu
etotu. Aici siat.