Is Pregadorias antigas: su signo de sa devozioni - Provincia del ...

Comune di Segariu
Pregadorias innantis de intrai a Crésia 534
Nostra Signora, lassaimí intrai!
Non seu segura chi apu a torrai
ne cun s’ànima ne cun su corpus.
Nostra Signora, assistei a totus!
Reina de sa Paxi 535
Seus benius de su Celu,
de dónnia parti de sa bidha, (oppure
si dice Sardigna)
Ti portaus is penas nostas, cun su prexu
e is isperas...
Rit. O Reina de sa Paxi,
castiasí e dona consolu...
Portasí in prantas de manus,
ananti a Fillu tuu Santu...
(si ripete due volte)
Po sa Crésia totuganta
Ses lugori, ses sarvesa,
ti pedeus a boxi prena
dona a su coru puresa...
Rit. O Reina de sa Paxi,
castiasí e dona consolu...
Portasí in prantas de manus,
ananti a Fillu tuu Santu...
(si ripete due volte)
Po s’amori mamai de coru
Chi a nos as amostau,
promiténtzia ti fadeus
de pregai prus chi in passau...
Rit. O Reina de sa Paxi,
castiasí e dona consolu...
Portasí in prantas de manus,
ananti a Fillu tuu Santu...
(si ripete due volte)
405
Mamai isperàntzia nosta
istedhu de primu noti
acumpàngia is passus nostus
in sa vida e in sa morti.
Rit. O Reina de sa Paxi,
castiasí e dona consolu...
Portasí in prantas de manus,
ananti a Fillu tuu Santu...
(si ripete due volte)
Santa Bràbara e Santu Giacu 536
Santa Bràbara e Santu Giacu,
Boso portais is crais de lampu,
Boso portais is crais de Celu,
no tocheis fillu allenu
ne in domu ne in su sartu.
Santa Bràbara e Santu Giacu.
Su letu miu 537
Su letu miu est de cuatru cantus
e dhoi crocant cuatru Santus:
duus in peis e duus in conca.
Nostra Signora dhoi siat pronta,
dhoi siat pronta sa Beata Vérgini Maria.
T’arracumandu su coru e s’ànima mia.
Su letu miu est 538
Su letu miu est de cuatru contas
e dhoi crocant cuatru concas;
duas in peis e duas in conca.
Maria Santíssima dhoi siat pronta
e mi nerit: “Riposa,
non pensist a nisciuna cosa!”