Is Pregadorias antigas: su signo de sa devozioni - Provincia del ...

404
o in mesa parada
o in bíngia prantada
o in fogu ardenti
o in àcua currenti
custa gràtzia dha bollu acantzada
prontamenti,
mesa parada e bíngia prantada est gràtzia
acantzada,
fogu ardenti e àcua currenti sa gràtzia
no est acantzada.
(custa preghiera si arresàt tre bortas po
tres notis, po tres cidas, cumentzendi sempri
de sa gióbia)
Pregadoria 529
A Sant’Antoni po agatai una prenda pérdia
o furada
Antoni de su fogu santu
chi ses màrtiri e cunfessori
sendi cun su fogu in manus
est passau su Senniori
e Dhi at nau: “Antoni, ita fais ingunis?”
Trexi fogus apu allutu
po cudhus pòburus necessitosus
chi mi ndi ant a domandai
a chi mi ndi at pigau su bastoni
pongiasidhu in conca
e in sa personi pongiasidhu
a forti e prus che a forti
ma chi no siat po morti
ma po arragodu forti
de ndi torrai sa perdimenta mia
a chi mi ndi at pigau sa stupa
pongiasidhu in conca e in buca
e pongiasidhu a forti e prus che a forti
ma chi non siat po morti
ma po arragodu forti
po ndi torrai sa pedrimenta mia
a chi mi ndi at pigau su procedhu
pongiasidhu in su ciorbedhu
e pongiaisidhu a forti e prus che a forti
ma chi non siat po morti
IS PREGADORIAS ANTIGAS - SU SIGNU DE SA DEVOTZIONI
ma arragodu forti
po ndi torrai sa perdimenta mia
a chi mi ndi at pigau sa stupa
pongiasidhu in conca e in buca
e pongiasidhu a forti e prus che a forti
ma chi no siat po morti
ma po arragodu forti
po ndi torrai sa pedrimenta mia.
Pregadoria 530
Àngelus bollu po mi dormiri
cuatru a peis e cuatru a conca
Nostra Signora ci siat pronta
narendi non timast po nisciuna cosa.
Pregadoria 531
Nostra Signora, lassaimí intrai
no seu sigura chi apu a torrai
ne cun s’ànima ne cun su corpus.
Nostra Signora, assistei a totus.
Pregadoria 532
Su genugu miu pòngiu in terra
sentza avertimentu
siat saludau su Santíssimu Sacramentu.
Pregadorias candu si pigat s’acuasanta 533
De acuasanta mi cunsignu,
a Deus saludu a primu
e a Nosra Signora.
No apu inténdiu missa ancora.
Cun d-unu frori de allirghia,
cun d-unu frori de argentu
saludau siat su Santíssimu Sacramentu!
Su genugu pòngiu in terra sentza
avertimentu.
Saludau siat su Santíssimu Sacramentu!