Is Pregadorias antigas: su signo de sa devozioni - Provincia del ...

Comune di Segariu
Pregadoria 522
Àngiulu de su Sinniori
Bosu seis sa guàdria mia
guidai is passus mius
arregulai is pentzamentus mius
moderai is fuedhus mius
illuminai is sentimentus mius
custodiai is afetus mius
po chi no ofenda a Babbu amurosu
e Dhi potza torrai gràtzias in Celu
e glorificai po totu s’eternidadi. Aici siat.
Pregadoria 523
Sa Mesa de su Sinniori
po mei est apariciada
de àngiulus est ingiriada
de àngiulus po serbiri
biada siat sa dí chi s’ànima mia
at a èssi límpia e pura
po andai a sa segura
sentza nisciunu ingannu
a istadu prus mannu
a istadu de nobbilesa
a mi setzi in cussa Mesa
preparada de su Sinniori po mei.
Pregadoria 524
Deus miu Ti torru gràtzia
de custu grandu benefítziu
chi Bosu m’eis fatu
a èssi beniu
a s’ànima mia
ammanciada de tantis pecaus.
Pregadoria 525
Oratzioni de is mortus
po is pecaus nostus
de is nostus pecaus
siaus pedronaus.
Pregadoria 526
Avi, Maria Stella,
In Celu seis bella
bella seis in Celu
Fillu Bostu est Vangelu
Vangelu est Fillu Bostu
in gruxi Dh’eus postu
postu Dh’eus in gruxi
totu su mundu a luxi
aundi at a passai
sa bia at a arramai
sa bia de pagu gherra
Avi, Maria Stella.
Pregadoria 527
403
Po si protegi de is cogas
Sàngui de Cristu
su cogu a giuabi
sa coga a crabistu.
(Po si protegi de is cogas si poniat unu
trébini a francas a susu asuta de su letu e
si naràt custa preghiera).
Pregadoria 528
Nostra Sinniora de s’isperiéntzia
(po interpretai in sonnu cúncua cosa
chi si bolit iscí)
ca Bosu teneis manna sa poténtzia
ca Bosu teneis poténtzia forti
donaimí bonanoti
bonanoti a dormiri
is àngiulus a biri
is àngiulus in su letu
donaimí a biri
custu pentzamentu (si narat su chi
si bolit iscí)