Is Pregadorias antigas: su signo de sa devozioni - Provincia del ...

402
Misericórdia, Sinniori 515
Misericórdia, Deus miu,
giai chi seu beniu
a peis de sa Santa Gruxi
dèu si domandu luxi
e perdonu de is pecaus
chi mi siant perdonaus
isciendu ca seis prenu
de bundadi infinida.
Pillonedhu crispu crispu 516
Pillonedhu crispu crispu,
ita portas in su pitzu?
“Ollusantu batiau!”
Gesugristu est nomenau,
nomenau in sa novena.
Ave Maria, gràtzia prena!
Pillonedhu pitiu pitiu 517
Pillonedhu pitiu pitiu,
ti ses pesau in su bonu camminu,
ti ses pesau in su bonu mengianu,
ogus a celu apu artziau,
ogus a celu a sa Gratziosa.
Frisca ses che sa rosa,
frisca ses che su lillu.
Mamma cara cudhu Fillu,
mamma cara cudhu Santu,
Babbu, Fillu e Ispíritu Santu.
Pregadoria 518
Babbunostedhu pitiu pitiu
pesada mi seu in su bonu caminu
in su bonu caminu mi seu pesada
is ogus a Celu apu artziau
is ogus a Celu a sa gloriosa
friscu seis che s’arrosa
IS PREGADORIAS ANTIGAS - SU SIGNU DE SA DEVOTZIONI
friscu seis che su lillu
Babbu mi at nau coru de fillu
Babbu mi at nau coru de santu
Domine Babbu, su Fillu e s’Ispíritu Santu.
Pregadoria 519
Gesugristedhu pitiu pitiu
mi seu pesau in su bonu caminu
in su bonu caminu mi seu pesau
Nostra Sinniora mi est atobiada
e mi at fatu sa gruxi in fronti
Deus ti ndi campit de mala morti
mala morti subbitana
e de àcua de funtana
e de àcua de arriu
Gesugristedhu pitiu pitiu.
Pregadoria 520
Po s’ogu liau
Candu Gesugristu a giogai andesit
e ogu Dhi liesit
sa Mama Dhu ingíriat tres bortas
e Dhi aperit is portas
is portas de su Paradisu
po artziai aundi fut Issu
e Issus artziànt
e ogu Dhi liànt
e Issus artziesint
e ogu Dhi liesint
Santu Giacu, Santu Luca e Santu Marcu.
Gloria Patri et Fillu et Ispíritu Santu.
Pregadoria 521
A sa sepoltura mi nc’intru
e de terra mi crobexu
s’ànima mia ofrexu
a sa Vérgini Maria.