Is Pregadorias antigas: su signo de sa devozioni - Provincia del ...

398
Creu 511
IS PREGADORIAS ANTIGAS - SU SIGNU DE SA DEVOTZIONI
Creu in d-unu solu Deus Babbu Nostu poderosu, Criadori, Sinniori de su Celu e de
sa Terra, Gesugristu Fillu suu únicu, Sinniori Nostu, su cali est istau cuntzebiu po
òpera de s’Ispíritu Santu, est nàsciu de Santa Maria Vírgini. At patiu bàsciu su
poderi de Póntziu Pilatu, est istétiu gruxifissau, mortu e sepultau, abasciau a is
Inferrus sa de tres dis est resuscitau de is mortus, est artziau a is Celus aundi est
sétziu a sa manu dereta de su Deus Babbu totu poderosu, de aundi at a benni a
giudicai is bius e is mortus. Creu in s’Ispíritu Santu, in sa Santa Crésia Católica, in
sa Comunioni de is Santus, in su pedronu de is pecaus, in sa resurretzioni de sa
carri, in sa vida eterna. Aici siat.
Gòcius de Sant’Antoni de Pàduva 512
Portentu de su Signori
Postu in su mundu po ispantu,
Antoni de Pàduva Santu
Siast nostru protetori.
Planta bella frutuosa
Chi at plantau s’Onnipotenti,
Planta celesti viventi,
Planta fecunda odorosa,
Viva istella luminosa
De divinu risplendori.
Antoni...
Altu cipressu divinu
In Lusitana plantau
In su giardinu sagrau
De Franciscu Serafinu,
Altu bellu e birdi opinu
De frutu suavi odori.
Antoni...
Postu in sa religioni
De Franciscu Patriarca
Navighendi in tali barca
Cun velas de oratzioni
Su portu de salvatzioni
Alcantzau as cun onori.
Antoni...
De santu infiamau
In cussu santu giardinu
De s’altu Verbu divinu
Ses istétiu visitau,
In bratzus tuus fortunau
Carignas su Redentori.
Antoni...
Cali donu t’at a negai
A tui mai s’Onnipotenti,
Dogna língua diferenti
Ti serbit po predicai.
Chini podit numerai
dogna celesti favori.
Antoni...
Tzurpus tzopus istrupiaus
De malis e contagionis
Sunti cun is oratzionis
In d-un’istanti sanaus,
Is mortus resuscitaus,
Cunvértiu su pecadori.
Antoni...
S’aflitu peregrinanti
Chi sufrit aversidadis
S’in mesu de tempestadis
T’invocat su naviganti,
Ti dimostras a s’istanti
Amigu consoladori.
Antoni...