Is Pregadorias antigas: su signo de sa devozioni - Provincia del ...

394
Su Creu 499
Creu in d-unu solu Deus Babbu totu poderosu,
Creadori de su Celu e de sa Terra.
E in Gesugristu Fillu suu únicu, Segnori
nostu. Su cuali est istétiu cuncebiu
po òpera de s’Ispíritu Santu; est nàsciu
de Maria Vírgini. At patiu bàsciu su poderi
de Póntziu Pilatu; est istétiu crucificau,
mortu e sepultau. Est abbasciau a in
Inferrus, sa tertza dí est resuscitau de intr’e
is mortus. Est artziau a is Celus, aundi
est sétziu a sa manu dereta de Deus
Babbu totu poderosu. De inní at a bènniri
a giudicai is bius e is mortus. Creu in
s’Ispíritu Santu. Sa Santa Crésia Católica;
sa Comunioni de is Santus. Su perdonu
de is pecaus. Sa resurretzioni de sa
carri. Sa vida eterna. Aici est.
Su Gloria Patri 500
A Deus Babbu Creadori,
A su Fillu Redentori,
E a s’Amori sustantziali
Infinita glória uguali
Immoi siat e in dogna edadi,
E in totu s’ eternidadi.
IS PREGADORIAS ANTIGAS - SU SIGNU DE SA DEVOTZIONI
Su signali de sa Cruxi 501
Su signali de sa Cruxi
A su celu o Cristianu
Ti portat po sa manu
Chi est caminu via e luxi
Candu in fronti fais sa Cruxi
Domanda a Deus vitória
Contr’a dogna vanaglória
E chi sempri ti donit luxi
Po osservai is cumandamentus
Illúminit sa rexoni
E fuit sa tentatzioni
De is malus pensamentus
Cun sa Cruxi siat castiada
Sa buca tua de mali
Cun Cristu santu signali
Tenidha sempri segliada
Fendi sa Cruxi in su petus
Domanda a Deus favori
Cun d-unu santu timori
Po moderai is afetus
Chi non pechis, chi non arruas
In is culpas cotidianas
Ma chi santas e cristianas
Siant is òperas tuas.
Aici siat.