Is Pregadorias antigas: su signo de sa devozioni - Provincia del ...

Comune di Sàrdara
A Bosu nosi donaus,
Mamma dulci provisora.
De is àcuas…
De is malis e disgràtzias
Is devotus libberai;
Favoris a issus e gràtzias
Cun su bagnu, Mamma, alcantzai.
S’Ave Maria 496
Deus ti salvit, santa e pura,
Bella Isposa nazarena;
De sa gràtzia tui ses plena
Prus de dogna creatura.
E cun grandu ammiratzioni
De sa Corti celestiali
Su sinu tuu virginali
Est de Deus abbitatzioni.
In sa discendéntzia aflita
De nosàterus, Reina,
In manera peregrina
Solu tui ses benedita.
Beneditu prus e prus
Siat cudhu Frutu divinu
Chi portestis in su sinu:
Beneditu siat Gesús!
Tui chi ses Mamma clementi
De su Deus Redentori,
Deh! po dogna pecadori
Prega a Deus onnipotenti.
Pregadhu, o santa Maria,
Po custa vida penosa,
E po s’ora turmentosa
Chi eus a èssi in agonia.
Su Babbu Nostu 497
Babbu nostu, chi gloriosu
Ses in su Celu adorau,
Sempri siat santificau
Su Nòmini tuu diciosu.
Su regnu tuu concuistau
Cun tanti pena e sudori
Bengat a nosu, o Signori,
Chi po custu nos as creau.
Sa tua santa voluntadi
Pregu cun totu su zelu,
Chi in Terra coment’e in Celu
Si cumplat po eternidadi.
Su pani cotidianu,
Sustentu de dogna dí,
Bollas oi donainosí
Cun piedosa e larga manu.
Comenti bolis, perdonaus
Is aggràvius chi arriceus:
Aici tui, o bonu Deus,
Perdona a nosu is pecaus.
De rúiri in tentatzionis
Sempri preservanosí:
De mali atesianosí
In totu is ocasionis.
Su Càntidu de su creadu 498
393
Beneditu su soli cun su Criadori
Benedita sa luxi cun sa vera Cruxi
Beneditu su bentu cun su Sacramentu
Benedita sa luna cun sa Mama sua
Beneditu su mari
Cun su Santíssimu Sacramentu de s’Altari.