Is Pregadorias antigas: su signo de sa devozioni - Provincia del ...

392
Dhu flagellat cun rigori,
Prostrenduridhu in cuss’ora.
De is àcuas…
Oprimiu de infermidadi
Aturat po medas annus;
de is erroris e ingannus
Connoscit sa calidadi;
E súbbitu invocau os adi,
O Celesti Imperadora!
De is àcuas…
Su flagellu giai connotu
De sa manu Onnipotenti,
Issu esclamat prontamenti:
“Ah! Mamma de su cunfortu!
Cunduximí a cussu portu,
Chi disígiu a dogn’ora”.
De is àcuas…
Po su bagnu benit sanu
Su malàdiu patrítziu,
A is àcuas s’edifítziu
Prontu elevat su paganu,
E si fait cristianu,
Po una Mamma coadiutora.
De is àcuas…
Postu fini a s’eresia,
A su mali ponit àrgini,
E sa sagrada Immàgini
Iat dipintu de Maria,
Chi vantat cun allirghia
De su bagnu Protetora.
De is àcuas…
Sighendi is persecutzionis,
S’immàgini at ocultau
In s’edifítziu fabbricau,
Sigura a is aversionis,
Non connota de is ladronis,
Genti bàrbara e traitora.
De is àcuas…
IS PREGADORIAS ANTIGAS - SU SIGNU DE SA DEVOTZIONI
Cussas àcuas cuntempleus
De cussu antigu edifítziu,
Chi sanat de su vítziu
Su mali chi possedeus;
A su bagnu duncas andeus,
Che fillu a mamma tutora.
De is àcuas…
Sunti perennis is venas
De custas àcuas sagradas,
De sa gràtzia riservadas,
Po curai doloris e penas;
Callentis sunt e serenas
Po Maria difensora.
De is àcuas…
De logus meda remotus
Benint po Bosi visitai,
Cun sperantza de curai
Doloris e malis totus,
A is oratzionis e votus
Stétia seis provididora.
De is àcuas…
Tzopus e istrupiaus,
Tzurpus e addolorius,
De Bosu sunt assistius,
De Bosu sunti sanaus
Pòburus abbandonaus:
Ecu sa celesti aurora!
De is àcuas…
A Bosu, Mamma, pregaus
Cudhas àcuas necessàrias,
Chi benint de is àrias
Po vegetai is seminaus,
Chi abbundantis aspetaus
Po Bosu, grandu Signora.
De is àcuas…
De coru sperantzaus
Ricurraus a Maria,
Giai ch’est issa s’allirghia
De totus is tribbulaus;