Is Pregadorias antigas: su signo de sa devozioni - Provincia del ...

Comune di Sàrdara
s’amàbbili de coru,
non dhu torri a ofendi prus
in totu sa vida mia.
Laudeus a Gesús, Giusepi e Maria.
Pregadoria 483
Dèu mi nc’intru in sa sepoltura,
de mi ndi pesai non seu segura,
de mi ndi pesai non sciu candu.
Tres cosas a Deus dimandu:
Cunfessioni, comunioni, ollusantu:
Babbu, Fillu e Ispíridu Santu.
Su letu miu est de cuatru cantonis
e cuatru àngelus si dhoi ponint,
dus a peis e dus a capita;
Nostru Signori (o Nostra Signora)
a su costau m’istat
e mi narat “Dormi e riposa,
non apas paura de mala cosa” ecc…
Pregadoria a s’Àngelu de sa guàrdia 484
Àngelu miu guardadori,
si suplícu cun amori
chi fatzais sentinella
po non benni in cautella
su nemigu tentadori,
àngelu miu guardadori!
Pregadoria bistendisì 485
Sa camisa mia mi bistu
in nòmini de Gesugristu;
in nòmini de santu Giuanni,
s’aramigu mai m’ingannit
ni a de dí e ni a su noti.
Deus mi campit de mala morti,
de mala morti subbitana;
de àcua de funtana,
de àcua de arriu:
misericórdia, Deu miu!
Pregadoria candu si oberit
su tabbernàculu 486
Si oberint is portas de su Celu
e ndi essit su Creadori
cun carignu e amori
e cun s’óstia cunsagrada
narendi: “Filla istimada,
si ti bolis salvadí
seu prontu dogna dí:
teni su coru cun firmesa!”
Dèu cun tanti poberesa
a is peis bostus mi ghetu!
Cantu suspiru e sentu
su mali chi apu operau!
Gesús miu istimau,
donaimí unu pagu de ispera
ca c’est una Maddalena
arréndia e arrepentida
chi bollit cambiai vida
po non torrai a pecai.
Signori, po mi salvai
donaimí s’eternu gosu;
ma non seu digna de arriciri a Bosu.
Pregadoria candu s’inartat
s’Óstia cunsacrada 487
Óstia Santa cunsacrada
De Àngius ingiriada
De Ángius e de apòstulus
Perdonai is pecaus nostus.
Pregadoria de fai intrendi a Crésia
e pighendi s’acuasanta 488
Acuasanta mi cunfrimo
E a Deus saludu a primo
E a Nostra Signora
No apu ascurtau Missa ancora
Seu benida a nd’iscurtai
Non seu sigura chi ci apu a torrai.
389