Is Pregadorias antigas: su signo de sa devozioni - Provincia del ...

Comune di Sàrdara
S’oberit su sinu
De terra fecundu,
Germógliat giucundu
Su Flori Divinu,
Su vagu Bambinu,
De is gentis sa ghia.
Dormi ecc…
Cun gioja prus pura
Esultant is montis,
Scaturint is fontis
De meli e durtzura,
Est bénnia de altura
Rugiada de òru.
Dormi ecc…
S’Eternu Signori,
Su Rei de su celu,
In mesu a su gelu,
De grandu rigori,
Su Deus de amori
Sunfrit tribbulia.
Dormi ecc…
Su Verbu Divinu,
S’angélicu gosu,
Est nàsciu diciosu
Che umanu bambinu,
In vírgini sinu
Dh’abbratzat Maria.
Dormi ecc…
Sa faci de incantu
Ragianti bellesa
De eterna puresa
Dimostrat su vantu;
Cun giúbbilu santu
Ti ammiru, Ti adoru.
Dormi ecc…
Sa mamma diciosa
Su téneru Fillu,
De is campus su Lillu
Sa mística Rosa
Allatat giojosa;
Est gioja cumplia.
Dormi ecc…
Giusepi beau,
Su Vírgini Isposu,
Carítziat diciosu
Su Verbu Umanau
Dh’adorat, prostrau,
Sa menti sua pia.
Dormi ecc…
In plantu penanti
O in durtzi sorrisu,
De su Paradisu
Visioni ismaglianti,
Pretziosu diamanti
Perenni decoru.
Dormi ecc…
Úmilis giumentus
Su téneru Infanti,
Tra is fàscias penanti,
Cun suavis acentus,
Tra is durtzis lamentus,
Dhi usant cortesia.
Dormi ecc…
Su vivu isplendori
De luxi fiammanti
Annúntziat s’amanti
Gesús Redentori,
Chi est nàsciu Signori
De eterna allerghia.
Dormi ecc…
De celu ambasciada
A is pius pastoris,
Tra cantus e onoris
S’annúntziu, narada,
Chi a terra abbasciada
Eternu Tesoru.
Dormi ecc…
387