Is Pregadorias antigas: su signo de sa devozioni - Provincia del ...

384
Is cumandamentus de sa S. Crésia 475
A prus depis osservai
Su chi sa Crésia cumandat,
Cincu cosas ti domandat:
Biri missa e cunfessai.
Po no incúrriri in su dannu
De gravíssimu pecau,
Cunfessai ses obbligau
Assumancu una borta in s’annu.
E ancora comunigai
In casus perigulosus;
Is giaúngius rigorosus,
Candu podis, depis fai.
A sa Crésia contribbui
Sa décima giustamenti,
Sentza fraudai nienti,
E, si depis, restitui.
Is dexi cumandamentus 476
Unu solu Deus adoru,
Soberanu, onnipotenti;
Dh’amu cun totu sa menti,
Cun totu s’ànima e coru.
Non giuris, non giuris mai
Ne invanu, ne falsamenti,
Ma a Deus teni presenti
Candu cumbenit giurai.
Sa domu de is giuradoris
Portat sa senténtzia iscrita,
Chi at a èssiri maledita
Cun totu is frastimadoris.
Guarda is festas cumandadas,
Bii sa missa atentamenti,
Cunfessa frecuentementi
Si bolis bonas annadas.
IS PREGADORIAS ANTIGAS - SU SIGNU DE SA DEVOTZIONI
Si nosàterus boleus
Su sustentu suficienti,
Venereus divotamenti
Is dis e crésias de Deus.
A babbu tuu riveréntzia,
Si disígias larga edadi;
Serbidhu cun caridadi,
Cun carignu e ubbidiéntzia.
Non bòcias, ne bollas mali,
Non ti venghis: mira a Deus;
Non torris mali po peus,
ch’ est ditàmini infernali.
Cantu tui prus perdonas
Is aggràvius e is ofentzas,
Merescis prus chi non pentzas
De palmas e de coronas.
Cun su vítziu disonestu
Manteni sèmpiri gherra,
Ch’est un’Àngelu in sa terra
S’ómini puru e modestu.
Si commitis atu impuru,
O impura corrispondéntzia,
Tenis sentza peniténtzia,
S’Inferru tenis seguru.
Restitui si as furau
Sentza prus dilatzioni;
Sentza restitutzioni
Mai as a èssi perdonau.
Si ti aplicas a furai
As a perdi su chi tenis;
Sendi furaus, is bènis
In fumu si ndi ant a andai.
Non múrmuris e rafrena
Sa língua precipitada,
Ch’in pena at a èssi abbruxada
Si pigas sa fama allena.