Is Pregadorias antigas: su signo de sa devozioni - Provincia del ...

Comune di Sàrdara
na, pigat su nòmini de castedhu de Monreale. Ma sa bidha de is Termas sighiat a tenni
su nòmini de “Villa Abbas” tanti chi su síndigu de Villa Abbas, puru in rapresentantza
de is síndigus de Pabilonis de Gúspini e de S. Aíngiu, in su 5 de freaxu de s’annu
1388 sotoscriat cun firma sua is patus tra su rei de Aragona e sa giudichessa Eleonora
de Arborea. 1388: cantus séculus de istória!...
Si podessint fuedhai custas perdas, iant a nai su númeru de is personas chi po tantis
séculus ant visitau innòi a Maria santíssima “de is Àcuas”, iant a nai su fervori de is
pregadorias. Is prodígius de gràtzias oténnidas. Iant a nai is momentus de pena e de
amargura po sa libbertadi e indipendéntzia natzionali in is tempus chi custas campagnas
de Sàrdara, de Uras e de Sanluri fiant campu de batàllia, de mortus e de ferius…
Si podessint custas perdas fuedhai emus a intèndiri in custu logu is aventuras e is disaventuras
de sa genti sarda, sèmpiri in lota cun sa genti chi dha oprimiat. Emus a intèndiri
chi is saracenus in su 1580, de sa pestiléntzia de su 1652, 53 e 54 chi iat isterminau
sa popolatzioni de Villa Abbas. Est istétiu in cussu tempus de pestiléntzia chi, abbandonada
sa bidha, is abbitantis supérstitis si trasferesint a Sàrdara, lassendu in abbandonu
is pòberas abbitatzionis insoru. Bolit sa traditzioni chi apant issus ocultau sa benedita
immàgini de Maria in d-unu níciu de sa costrutzioni romana po chi genti mala in sa
solitúdini de custu logu diventau desertu non azardessint de dha profanai.
Cantu tempus sa santa istàtua de Maria aturessit nascóndia nosu non dhu iscieus.
Iscieus chi passaus is tempus prus ferocis, sa Divina Providéntzia dimostresit a sa
popolatzioni de Sàrdara sa gràtzia de dhi donai s’immàgini de custa Mamma celesti,
po chi fessit finalmente e po sèmpiri regina de custu logu chi issa iat in tantus séculus
onorau cun sa protetzioni sua. Aici est chi oi in custa crésia issa est torrada regina “de
is àcuas”, de is àcuas termalis soterràneas, de is àcuas beneditas de Maria…
Deus ti salvet, Reina 473
Deus ti salvet, Reina,
chi ses de Mamma piedosa,
pura e fraganti rosa de Paradisu.
Ses allirghia e risu
de dogna isconsolau,
de dogna tribbuliau ses su respiru.
A tui plàngiu e suspiru
in custa valli oscura,
Maria totu dultzura e totu amori.
Mamma de su Signori
cun mirada piedosa,
materna e amurosa castianosí.
Maria, difendinosí
cun maternali zelu
e a fillu tuu in su celu fainosí biri.
Ti pregu de arriciri
custa pregadoria,
totu amorosa e pia, dulci e clementi.
De s’antigu serpenti
donanosí vitória,
pustis s’eterna glória in Paradisu.
Innu Santu cantau po Gesùs 474
Àngelus e Santus,
ispíritus divinus,
altus serafinus
benei totugantus
po biri is ispantus
de custu tesoru,
riposa anninnia
dormi vida e coru.
383