Is Pregadorias antigas: su signo de sa devozioni - Provincia del ...

Comune di Sàrdara
De Deus donu immortali
Po Sàrdara aventurosa.
O de is àcuas, ecc.
Custas àcuas ecellentis
Perennis essint e puras,
Fridas, tébidas, callentis,
A vàrias temperaduras,
Eficatzis in is curas
In manera prodigiosa.
O de is àcuas, ecc.
Est consolanti sa glória
De custus piticus montis,
Dignus tzertu ch’in s’istória
Dhus tzelebris e dhus contis,
Poita cuntenint is fontis
De saludi misteriosa.
O de is àcuas, ecc.
Già de séculus antigus,
O Maria de piedadi,
Fissendu is ogus amigus
In cust’àcua de bondadi,
Bosu a dogna infermidadi
Réndia dh’estis sanitosa.
O de is àcuas, ecc.
S’est in cuss’època intzerta,
Cun letítzia inaspetada,
Po miràculu iscoberta
S’istàtua bosta sagrada,
chi de is Sardus venerada
Est cun gioja religiosa.
O de is àcuas, ecc.
Dh’ornat su fronti divinu
Vivu raju de isplendori,
A su petus su Bambinu
Stringit cun maternu amori
E t’ispirat su fervori
Cun sa faci magestosa.
O de is àcuas, ecc.
Is fielis consolaus
De unu tantu benefítziu,
Bos erigint incantaus
De sa crésia s’edifítziu
Afidendu a su propítziu
Coru bostu dogna cosa.
O de is àcuas, ecc.
In s’altari collocada
Est s’Immàgini decora,
Mentris sa genti prostrada
Bos suplicat e adorat
E bosu su chi s’implorat
Cuntzedeis generosa.
O de is àcuas, ecc.
Già po totu sa Sardigna
Luegu s’ispargit sa fama,
Currit sa genti e benigna
Maria de àcuas bos aclamat,
Consolu de chini bos amat
Cun isperantza fervorosa.
O de is àcuas, ecc.
De insaras, O Maria,
Custas àcuas funti postas
Bàsciu sa tutela pia
De is potentis manus bostas,
O de is maladias nostas
Cara médica amorosa.
O de is àcuas, ecc.
Bosu gioja de s’aflitu,
Clara istella de su mari,
De su Celu eis beneditu
Custu bagnu salutari,
De virtudi singolari
Dotendidhu, o portentosa.
O de is àcuas, ecc.
Oh! De bosu cali médiu
Custus bagnus sunt elígius
Po donai dogna remédiu,
Po operai grandus prodígius
377