Is Pregadorias antigas: su signo de sa devozioni - Provincia del ...

Comune di Sanluri
una gruxi de òru depeis portai
lassaimí passai
poita dèu bandu a tocai is campanas de mari
e gei dhas tocu cun forti dolori.
Est beru ca est mortu Nostru Signori?
Issu gei est mortu e bèni interrau
una litaredha chi mi ant mandau
una litaredha iscrita de su Celu
a prangi is penas chi at patiu Deus
a prangi is penas chi ant patiu is Santus
su Babbu, su Fillu e s’Ispíritu Santu.
Pregadoria 453
Cun acuasanta mi cunsignu
a Deus adoru in primu e a Nostra Signora,
no apu ascurtau Missa ancora
lassaimidha ascurtai,
no seu sigura chi apu a torrai
cun s’ànima e cun su corpus,
Nostra Signora agiudai a totus.
Pregadoria 454
Santa Bràbara e Santu Giacu
Bosu portais is crais de lampu
Bosu portais is crais de Celu
no tocheis a fillu allenu
ne in domu ne in su sartu
Santa Bràbara e Santu Giacu.
Regina Santa Coronada 455
Regina Santa Coronada
in su letu bostu mi seu corcada
in su letu bostu, in su letu bostu.
Innoi est su Fillu bostu?
E nai Mamma ita fadeis?
Abbillais o dormeis?
Dèu abbillu e no dormu
371
po unu bisu chi apu fatu
ca is Giudeus ti teniant,
ca is Giudeus ti portànt,
sa corona de òru ti ndi pigànt
e una de ispinas ti ndi poniant.
E no Mamma custu no fait a mancai,
su chi dh’at a nai tres bias a mengianu
campau siat de puntu malu,
su chi dh’at a nai tres bias a merí
mai penas de inferru at a bí.
Sa mesa de su Signori 456
Sa mesa de su Signori
po mei est apariciada
de àngelus ingiriada
de àngelus po dha serbiri
diciosa at a èssi cussa dí
chi s’ànima mia at a andai
límpia e pura chentza ingannu
non ci at atru istadu prus mannu
ni atra nobbilesa
su si biri in cudha mesa
in cudha mesa de su Celu
Gesús amorosu e bellu
teni su coru cun firmesa
dèu cun tanti poberesa
a peis bostus mi ghetu
e de coru pràngiu e sentu
su mali chi apu operau
innòi ci at una Maddalena
pentida e arrepentida
trata de cambiai vida
chi ti bollis salvai
seu innòi dogna dí pronta po ti abbratzai.
S’anninnia de Gesús Resuscitau 457
Divinu Messia,
Po Deus ti adoru,
Dormi fillu ’e coru
riposa anninnia.