Is Pregadorias antigas: su signo de sa devozioni - Provincia del ...

366
Mater amabilis chi amat is fillus
Maria est in totu cantu is natzionis,
nosu andendu a Issa seus trancuillus,
mostrantza ndi donat in is aparitzionis,
at dispositzionis Issa cun Gesúsu,
gràtzia donat prusu chi non menesceus
e candu dormeus Issa si vigillat
s’ispíritu abbillat po dha fuedhai.
Mater admirabilis sa prus chi si mirat,
sa prus chi est digna di èssi ammirada,
cun ogus piedosus sorvégliat e girat
de cantu est po nosu afetzionada,
si mostrat s’istrada po bonu viàgiu,
si donat coràgiu in sa timoria,
s’única Maria custódia bella,
nostra sentinella po si vigilai.
Mamma titulada de Bonus Contzillus
de candu un’immàgini sua s’est bolada
prodigiosamenti mercantis sintzillus
in terra e in mari dh’ant acumpangiada
giachí carculada no dh’at s’Albania
su cuadru ‘e Maria tenit Genazanu
aundi at postu manu primu Pietrina
po s’alta Regina inní a ospitai.
Maria est sa mamma de su Creadori
fit de totu is cosas creadas, presenti,
mammas dh’ant ofertu frutus de amori,
fillas e ministrus a s’Onnipotenti,
po s’òrfana genti sa prus chi si curat
disígiu assicurat, virtudi providit,
domandant e obbidit po sa sorti insoru,
non dhi bastat coru de dhus abbandonai.
Mamma de su Salvadori de su mundu
e salvat a dognunu chi dha invocat,
dhu salvat di Erodi ingratu furibbundu
dhu bint is ladronis, nisciunus dhu tocat,
antzis dhus collocat a famíglia ‘e mua [?]
Disma in domu sua po pràngiu e po cena
nat sa Nazarena po sa cumpraxéntzia,
fillu s’acugliéntzia ti dh’at a pagai.
IS PREGADORIAS ANTIGAS - SU SIGNU DE SA DEVOTZIONI
Virgo Prudentíssima po cudha prudéntzia
a parti de totus sèmpiri Maria
aici in s’alligria e in sa soferéntzia,
totu riveréntzia cun sabidoria,
de sendu pitia fin’a tarda edadi,
in s’eternidadi prus prudenti ancora,
est Nostra Signora in dogna cosa
de prudentziosa iscola a s’imparai.
Virgo Veneranda sa chi si venerat,
sa prus chi est digna de tenni allabantza,
tristu a chi dispretzat no dha cunsiderat,
su Fillu dh’annotat dogna mancantza,
est nostra importanza chi dha veneraus,
de totu incontraus scritu a benefítziu
in cudhu giudítziu pustis de sa morti,
sa felici sorti non s’at a mancai.
Virgo Praedicanda ch’is predicadoris
in dogna tempus ant predicau
donendidhi privilégius e onoris
mai ant acudi e no ant abbastau,
a chini dhi at nau de Cades sa palma
a chi in s’Ide calma nd’at fatu progressu,
rigau cipressu, olia frutífera,
o Fonti salutífera po si risanai.
Virgo Potens po cudha poténtzia
chi de is Vitórias títulu tentu adi,
sa Fémmina forti de primu esisténtzia
Regina celesti de autoridadi,
po sa dignidadi possidit su scetru,
mandat indietru su superbiosu,
fait valorosu a s’úmili onestu,
sa vitória in prestu po acuistai.
Virgo Clemens totu piedosa
chi de is mortalis tenit piedadi
po is pecadoris chi fit rigorosa,
ita nd’iat a èssi de s’umanidadi?
Usat caridadi cun tanti cleméntzia
bollit peniténtzia cun coru sintzillu
po fai chi su Fillu in su nostru sinu
bengat de continu po si avisitai.