Is Pregadorias antigas: su signo de sa devozioni - Provincia del ...

Comune di Sanluri
Litanias de Maria Santíssima 447
Deus, Eternu babbu, piedadi de mei
ca bollu a sa filla Maria cantai,
Deus divinu fillu Salvadori e Rei
lessimí sa mamma sacra lavantzai,
Deus Santu Ispíritu totu Santu in sèi
chi cantu a s’Isposa si ndi at a aggradai
ca seu cristianu po fai biri e crei
bollu is Litanias in Sardu pubblicai.
1) De princípiu indicat sa Sancta Maria,
abbundanti mari in d-unu modu immensu,
mari de tristura mari de alligria,
mari de grandesas fatas de cummentzu,
mari de cumpentzu mari de miràculus,
fatzaus is càrculus chi Maria est mari
si bollit impari in s’eternu portu,
mari de cunfortu pustis po dhi nai.
Santa Dei Genetrix de is genitricis
poita ch’in sinu a Gesús at portau
chi apu donau unu símili Fillu,
divinu e sintzillu cument’e Gesús
po is méritus susu at bófiu po brama
sa prus giusta Mamma digna de vantai.
Sancta Virgo virginum po virginidadi,
prus de su lillu e viola intata,
domandu a is fémminas de dogna edadi
chini che Maria sa vida dh’at fata?
Prus pura de prata e de òru in muneda,
prus pura de seda, de lana, e de linu,
su Babbu Divinu dh’at predestinada,
Vírgini sagrada de apretziai.
Mater Christi, de is XRISTIANUS,
de Cristu fatu ómini po s’umanidadi,
fit profetizada de tempus lontanus,
e arresurtau giusta beridadi,
mamma nau dh’adi puru Elisabeta,
e sa turba cumpleta de is crucefissoris,
mamma po favoris po méritus mannus,
e po medas annus cun Giuanni a istai.
365
Mamma est ancora de Divinas Gràtzias,
Gràtzias eternas, gràtzias temporàneas,
gustosa po totus, su mundu nd’ispràtzias
in is partis nostras, e in partis estràneas
gràtzias istantàneas in vida e in morti,
gràtzias po sorti, gràtzias po saludi,
Gràtzias po virtudi, gràtzias po bellesa,
gràtzias po salvesa in su si perdonai.
Dhi naraus ancora sa Mamma Puríssima,
prus de is creaturas de terra e de celu,
s’Eternu Fatori dh’at fata raríssima
sentz’umbra ‘e pecau, pura sentz ’e velu,
s’acisat cun zelu su própriu Babbu,
finas a s’acabbu dh’onorat su Fillu,
de dh’amai sintzillu non c’est che s’Isposu,
su mundu est diciosu sempri de dh’amai.
Mamma Castíssima sola singulari,
a parti de totus puru est titulada,
casta de abbitúdini e in su fuedhari,
casta ‘e pentzamentus, casta de mirada,
casta po isposada cun Giusepi Santu
istétia s’incantu po annus trinta dusu,
cun Giusepi e Gesusu casta in s’atendéntzia,
casta de preséntzia e casta in s’operai.
Mater Inviolata ca non at violau
cumandus de celu e ne terrenu editu,
de s’umilidadi su coru at mostrau,
andat a Betlemmi e poi a s’Egitu,
cun su beneditu Gesús e Giusepi
po torrai a depi in domu paterna
po memória eterna sa de Nazaretu,
sa chi a Loretu s’est dépia bolai.
Mater Intemerata poit’a su nemigu
dhi at postu su pei e dh’at calpestau,
che cun sa fémmina in giardinu antigu,
cun Maria no at bintu e triunfau,
foras fit bogau de s’ortu ‘e delítzia,
po nienti amicítzia fatu at cun Maria;
ses in tribbulia, farsu tentadori,
ti càusat terrori su dh’arrimonai.