Is Pregadorias antigas: su signo de sa devozioni - Provincia del ...

Comune di Sanluri
Cuartu Duetu
Sa lància de Longinu
su chi at tentu su coràgiu
de passai cun oltràgiu
custu coru divinu.
Is paràulas de Santu Martí 446
Duetu finali
Addios, Gesús de amori,
Addios, Gesús amau,
chi Maria as lassau
in s’afannu e su dolori.
Una picioca fiat tant’annus isposa cun sa tentatzioni però no dhu sciat, intzaras una dí
si presentat Santu Martinu, coment’e figura pòbera, in custa domu e narat: “Mi arricint
a crocai?”
Cussa picioca narat: “Mamma, arríciat custu pòberu, sciadau!”; ma sa mamma: “No,
no ca chi benit s’isposu tuu no teneus logu”.
“Mancai in sa bia de sa moba”, narat sa filla, “arriciadidhu, sciadau!”.
Intzaras cussa fémmia: “Ma est isciusta sa bia de sa moba”.
“Ghetidinci mancai unu paghitedhu de palla” iat nau Santu Martí.
Cussas fiant crocadas e candu fuit andau su tiauledhu iat tocau su portabi. Santu
Martí essit a pratza e narat: “Chi est chi tocat su portabi”, ma gei dh’iat cumpréndiu,
e su tiauledhu arrespundit: “Aici ses tui, Martinedhu de cacarada!”.
“Dèu no seu Martini de cacarada, seu Martinu de paràulas bonas”.
Intzaras su tiauledhu arrespundit:
T.: “Chi ses Martinu, de paràulas bonas mi ndi as a nai una”.
M.: Una est su soli e sa luna de candu Gesugristu andàt a pei in su campu chi Gesús
s’est fatu, Babbu, Fillu e Ispíritu Santu.
T.: “Chi ses Martinu, de paràulas bonas mi ndi as a nai duas”.
M.: “Duas funt is Duas Tàulas de Moisè, una est su soli e sa luna de candu Gesugristu
andàt a pei in su campu chi Gesús s’est fatu, Babbu, Fillu e Ispíritu Santu.
T.: “Chi ses Martinu, de paràulas bonas mi ndi as a nai tres”.
M.: “Tres funt is Tres Marias, duas funt is Duas Tàulas de Moisè, una est su soli e sa
luna de candu Gesugristu andàt a pei in su campu chi Gesús s’est fatu, Babbu, Fillu e
Ispíritu Santu”.
T.: “Chi ses Martinu, de paràulas bonas mi ndi as a nai cuatru”.
M.: “Cuatru funt is Cuatru Evangelistas, tres funt is Tres Marias, duas funt is Duas
Tàulas de Moisè, una est su soli e sa luna de candu Gesugristu andàt a pei in su
campu chi Gesús s’est fatu, Babbu, Fillu e Ispíritu Santu”.
T.: “Chi ses Martinu, de paràulas bonas mi ndi as a nai cincu”.
M.: “Cincu funt is Cincu liagas de Gesugristu, cuatru funt is Cuatru Evangelistas,
tres funt is Tres Marias, duas funt is Duas Tàulas de Moisè, una est su soli e sa luna
de candu Gesugristu andàt a pei in su campu chi Gesús s’est fatu, Babbu, Fillu e
Ispíritu Santu”.
T.: “Chi ses Martinu, de paràulas bonas mi ndi as a nai ses”.
M.: “Ses funt is Ses Cereus, cincu funt is Cincu liagas de Gesugristu, cuatru funt is
Cuatru Evangelistas, tres funt is Tres Marias, duas funt is Duas Tàulas de Moisè, una
363