Is Pregadorias antigas: su signo de sa devozioni - Provincia del ...

362
In Tui totus confidaus,
Vírgini celestiali
chi de s’inimigu infernali
siaus totus libberaus
e de coru suplicaus
de èssi nostra abbogada.
De Sedhori protetora,
de is gràtzias intitulada.
In sa cenàbara santa 445
(Cantu de Giuanni e Maddalena in sa crésia
de Sedhori)
G.: Pendenti de una gruxi
est mortu giai isvenau
su Maistru miu istimau
chi de is tzurpus fiat sa luxi.
MM.: Aundi circas cunfortu,
Giuanni! Cun tanti pena
prangi cun Maddalena
su Maistru est giai mortu.
G.: Ecu totu consumau
s’amorosu Redentori,
po s’ingratu pecadori
in sa gruxi at ispirau.
MM.: Aici dolenti e trista
immoi apu a aturai,
costanti apu a ammirai
custa tènera vista.
G.: Bastat, cumpàngia mia,
non sigas, tui mi acoras,
mira chi addoloras
su coru de Maria.
MM.: Ahi de mei, o Maddalena,
ahi de mei, o poberita,
isconsolada seu e aflita,
pràngiu solu custa pena.
G.: Ecu, est giai ispirau
su prus càndidu lillu
IS PREGADORIAS ANTIGAS - SU SIGNU DE SA DEVOTZIONI
a mamma bosta po fillu
m’eis racumandau.
(Su predi fait sa prédica)
Primu Duetu
O discípulus piedosus
po a Maria cunfortai
est pretzisu de iscravai
a su fillu, coidadosus.
Segundu Duetu
Però, innantis, Mamma aflita,
Santa Vírgini Maria
custa atzioni tanti pia
siat de bosu benedita.
Tertzu Duetu
O discípulus ispiegai
a su bólidu in alas,
artziai custas iscalas,
fadei prestu a dh’iscravai.
(Su predi sighit sa prédica).
G.: (Rivólgiu a su pópulu)
Sa corona penetranti
si presentu umiliau
chi sa conca at trapassau
de su Celesti Regnanti.
MM.: Tres obbilis pecadoris
po Gesús ant inventau,
summu ancora est su dolori
chi a sa Mamma eis causau.
G.: (Rivólgiu a sa Madonna)
O Reina isconsolada
sa prus manna de is Reinas,
giustu est chi siais de ispinas
bosu ancora incoronada.
(Ponit sa corona a sa Madonna).
MM.: Arrici, o Sennori,
s’istrumentu chi at provau
po s’ingratu pecadori
custu Deus amau.