Is Pregadorias antigas: su signo de sa devozioni - Provincia del ...

Comune di Sanluri
O Sedhori, po Lorentzu,
serbat sèmpiri devotzioni
in dogna crítica conditzioni
de sa vida non perdas su sentzu;
prega sèmpiri su protetori
cun ànimu confidenti.
Lorentzu...
O Lorentzu, grandu santu,
is Sedhoresus teni in contu,
in su celu sempri prontu
s’infelici a consolai
e in sa fidi a cunservai
dogna fillu de custa genti.
Lorentzu...
Gòcius de sa visitatzioni de Maria 444
Intitulada de is GRÀTZIAS, sa cali festa
si cèlebrat dógnia annu in sa crésia parrochiali
de Sedhori.
Divina Mama sagrada,
divina dispensadora,
de Sedhori protetora,
de is Gràtzias intitulada.
Luminosa e viva aurora,
claru soli luminanti;
de celu e terra Sennora,
Mamma de Gesús amanti
de is Àngelus ancora
in su celu ses adorada.
De Sedhori protetora...
Su Batista s’allirghesit
de sua tua visitatzioni;
de Gesús s’incarnatzioni
Elisabeta conoscesit:
de is gràtzias tuas provesit
candu dh’íasta visitada.
De Sedhori protetora...
Ses Reina poderosa
de ógnia gràtzia dotada,
apena ses invocada
ti mostras prodigiosa;
e poi Tui est vitoriosa
dógnia ànima tribbulada.
De Sedhori protetora...
Sa bella tua preséntzia
consolat su pecadori;
isposa de s’Onnipoténtzia,
Mamma de totu amori.
Bella Mamma de cleméntzia
e de gràtzias coronada.
De Sedhori protetora...
Maria, Mamma amorosa,
Maria, totu dultzura,
Maria, vírgini e pura,
Maria, miraculosa,
ses sa mellus criatura
de Deus eternu criada.
De Sedhori protetora...
Perfeta rosa dorada,
luxis istella brilladora,
de aflitus consoladora,
Maria, ses aclamada.
Sias nostra intercessora,
Vírgini Santa Immaculada.
De Sedhori protetora...
Protetora ispeciali
de piticus e de mannus;
in perígulus e afannus
acurris premurosa;
de is gràtzias Nostra Sennora,
de su celu Mamma amada.
De Sedhori protetora...
Sa parróchia de Sedhori
cun preghieras, cantus e sonus,
totu is gràtzias e totu is donus
ti domandat cunsoladora.
In sa vida e in cudh’ora
de sa morti ses invocada.
De Sedhori protetora...
361