Is Pregadorias antigas: su signo de sa devozioni - Provincia del ...

358
Su Deus onnipotente
cun tegus est istadu.
Pro chi t’at preservadu
Immaculada.
Beneita e laudada,
subra a totu gloriosa.
Mama, fiza e isposa
de su Segnore.
Beneitu su fiore
e frutu de su sinu.
Gesús, fiore divinu,
Segnore nostru.
Pregade a Fizu bostru
pro nois pecadores,
chi totu sos errores
nos perdonet.
E sa gràtzia nos donet
in vida e in sa morte.
E sa diciosa sorte
in Paradisu.
Diciosu est chini istat
in su coru de Maria 440
Diciosu est chini istat in su coru de Maria.
Diciosu est chini istat a Maria in su coru.
Seis Mama bona e dèu no si adoru,
in dogna logu si portu falsia,
diciosu est chini istat in su coru de Maria.
In dogna logu dèu si portu ingannu
missionistas ci at beniu ocannu
po si ndi pigai custa maladia
diciosu est chini istat in su coru de Maria.
Po si ndi pigai custa malidadi
Nostra Signora de sa Solidadi.
Issa chi est bera Mama de cumpangia
diciosu est chini istat in su coru de Maria.
Issa chi est bera Mama de santidadi
IS PREGADORIAS ANTIGAS - SU SIGNU DE SA DEVOTZIONI
Nostra Signora de sa Solidadi
fatzasí sempri bona cumpangia
diciosu est chini istat in su coru de Maria.
Dormi, vida e coru 441
Dormi, vida e coru, riposa anninnia
no si agatat prata ne argentu ne òru
cument’e chi siat fata profetzia
cument’e chi siat prefessionau
sa dí chi su Gurrei si fiat incarnau
sa dí binti cincu si fiat incarnau
sa dí binti cincu de martzu s’incarneit
fiant benius totus e tres is gurreis
e iant fatu sa Pasca pitia
dromi vida e coru riposa anninnia.
Gòcius de Santu Martinu 442
Grandu eroi valorosu,
Obispu de altu onori,
Martinu miracolosu,
Siast nostru protetori.
In Pannónia de paganus
Nascis, Astru luminosu,
A dexi annus premurosu
Ti unis a is cristianus,
Is precetus soberanus
Ind’osservas cun amori.
Martinu...
A is impresas militaris
Ti cunsagras cun ardori,
De s’edadi in primu flori
Tenis vantus singularis,
Tra is cumpàngius tui cumparis
Unu prodígiu de valori.
Martinu...
A unu pòberu afligiu
Donas parti de mantellu;