Is Pregadorias antigas: su signo de sa devozioni - Provincia del ...

350
Ti pregu de arreciri
Custa pregadoria,
O Vírgini Maria
Durci e clementi.
De s’antigu serpenti
Donanosí vitória,
Pustis, s’eterna grória
In Paradisu.
Auni cantu e arrisu
Mirendudí isvelada,
Bivaus vida biada
Eternamenti.
(Si canta con il tono dell’Ave Maria sarda)
Su Babbunostu 427
Babbu nostu, chi gloriosu
ses in su celu adorau,
siat santificau
su nòmini tuu poderosu.
Su rénniu tuu conchistau
cun tanta pena e sudori
bengat a nosu, Segnori,
chi po custu nos as creau.
Sa tua santa voluntadi
pregu cun totu su zelu
chi in terra coment’e in celu
si cumplat po eternidadi.
Su pani cotidianu,
sustentu de dónnia dí,
bollas oi donainosí
cun piedosa e larga manu.
Is aggràvius chi arriceus
perdonaus comenti boleis;
aici bosu perdoneis
cantu nosu bos depeus.
IS PREGADORIAS ANTIGAS - SU SIGNU DE SA DEVOTZIONI
De rúiri in tentatzionis
sempri preservanosí,
de mali libberanosí
in totus is ocasionis.
Vida de Santu Milanu Obispu 428
O grandu Pastori, glória de Sardigna,
ínclitu Milanu, ti bollu cantai:
però una mirada piedosa e benigna
de s’altu de is celus pregu a mi donai
po chi custa língua pòbera e indigna
un’innu de onori potzat intonai.
Intonu su cantu, segundu s’Istória
de su primu séculu de s’era cristiana:
in mesu a is richesas, in mesu a sa glória
nascis in Castedhu de genti pagana,
candu sa cristiana e santa religioni
nisciuna personi ancora connosciat;
dognunu oferiat incensus profanus
a is ídolus vanus po dhus venerai.
Is ídolus vanus Castedhu adorada,
a su veru Deus neghendu is onoris;
a s’idolatria a tui puru invitada
sa turba insensada de is adoradoris;
ma chi sunt erroris de una menti insana
sa rexoni umana ti fait cumprendi:
chi nc’est regnendi solamenti unu Deus,
chi solu depeus a Issu adorai.
Chi adorai si depit unu Deus solamenti
e cali est s’eternu e veru Signori
intendis de is Santus Giàcomo e Clementi
benius in Sardigna po distrui s’errori;
de su Redentori bolis èssi fillu:
cun coru sintzillu, cun veru eroismu
su santu batismu domandas costanti
chi de Issu amanti bolis solu istai.
Po istai a Gesús totu cunsagrau
lassas sa famíglia, sa pàtria istimada:
in Roma de Perdu benis batiau
mentras chi Neroni ímpiu guvernada,