Is Pregadorias antigas: su signo de sa devozioni - Provincia del ...

Comune di San Gavino (Santuéngiu)
Si un’Àngelu truncau
A tui at sa cadena,
S’isciollat culpa e pena
Po gràtzia tua e favori.
O Perdu...
O de sa Crésia immóbbili
Colunna e Fundamentu,
Costàntzia in dogna eventu
Tengaus contra s’errori.
O Perdu...
Roma protegis: in Issa
Prédicas mortu ancora:
In vida e in s’últim’ora
Difendisí, o Pastori.
O Perdu...
Is fillus de sa Crésia
Chi Deus t’at cunsignau
De morbu avelenau
Non turbit su furori.
O Perdu...
Dissipa s’ódiu e s’ira
De s’invidu Satannu,
Po chi nisciunu dannu
Produsat su traitori.
O Perdu...
In s’ora de s’agonia
Candu issu si provocat
Cedat a chini invocat
A Tui po Protetori.
O Perdu...
Glória a su Babbu, a su Fillu,
E a s’Ispíritu Santu.
O Perdu...
Antiphona
Tui ses Pastori supremu de totu is fielis
de Gesugristu; a Tui funt istétias cunsignadas
is crais de su Regnu de is Celus.
349
V. Tui ses Perdu.
R. E asuba de Tui, coment’e Perda de fundamentu,
apu a fabbricai sa Crésia mia.
Oratzioni:
Deh! fei, o Signori, chi s’assisténtzia eficacíssima
de s’Apóstolu Bostu S. Perdu,
talmenti nosi sullevit, chi cantu seus
prus fràgilis tanti po s’intercessioni sua
isperimenteus prus poderosus is agiudus,
po chi sèmpiri protégius, de custa aici
forti Apostólica difesa non mai pretzipiteus
in is vítzius, ne bengaus oprimius
de is aversidadis. Bosi ndi pregaus po is
méritus de Gesugristu Signori nostu.
Aici siat.
Salve Regina 426
Deus ti salvit, Reina
Chi ses Mamma piedosa
Pura e fraganti rosa
De Paradisu.
Ses allirghia ses arrisu
De dónnia isconsolau
De dónnia tribbuliau
Ses su respiru.
A tui plàngiu e suspiru
In custa valli iscura,
Maria totu dultzura
E totu amori.
Mamma de su Sinniori
Cun mirada piedosa,
Materna e amorosa
Castianosí.
Maria difendisí
Cun maternali zelu
E a fillu tú in su celu
Fainosí biri.