Is Pregadorias antigas: su signo de sa devozioni - Provincia del ...

Comune di San Gavino (Santuéngiu)
In su cuintu Mistériu si cuntemplat comenti su Signori nostu Gesugristu lómpiu a su
monti Calvàriu est istétiu ispollau e cravau in sa gruxi, in sa cali morzesit presenti sa
Santíssima Mamma sua.
In is Mérculis, Sàbudus e Domínigus si cuntemplant:
Is Mistérius Gloriosus
In su primu Mistériu si cuntemplat comenti su Signori nostu Gesugristu, sa tertza dí debustis
de sa Passioni e morti sua, risuscitesit gloriosu e triunfanti po non mòrriri mai prus.
In su segundu Mistériu si cuntemplat comenti su Signori nostu Gesugristu cuaranta
dis debustis de sa Resurretzioni sua est artziau a su Celu cun miràbbili festa e triunfu,
biendidhu sa Mamma sua Santíssima cun totus is Discípulus suus.
In su tertzu Mistériu si cuntemplat comenti su Signori nostu Gesugristu, setzendi a sa
dereta de su Babbu, dexi dis debustis de s’Ascensioni sua, inviesit s’Ispíritu Santu in
su Cenàcolu, aundi fiant is Apòstolus cun Maria Vírgini cungregaus in oratzioni.
In su cuartu Mistériu si cuntemplat comenti sa Vírgini Immaculada, essendi passada
de custa vida, sa tertza dí est istétia Assunta de is Àngelus a su Celu.
In su cuintu Mistériu si cuntemplat comenti Maria Vírgini est istétia de sa Santíssima
Trinidadi incoronada Reina de su Celu e de sa terra; e si cuntemplat ancora sa glória
de totus is Santus.
Deus ti salvit, o Reina Mamma de Misericórdia, vida, dultzura e sperantza nosta,
Deus ti salvit. A Bosu recurreus nosàterus fillus de Eva; a Bosu suspiraus gemendi e
plangendi in custa valle de làgrimas. Bosu duncas, o Abbogada nosta, castiainosí cun
ogus de misericórdia e apustis de custu esíliu mostrainosí a Gesús frutu beneditu de
su sinu Bostu, o clementi, o pia, o dulci Vírgini Maria.
Oratzioni
Deus onnipotenti, po is méritus de su Bostu Unigénitu, su cali cun sa vida, morti e
resurretzioni sua, nos at procurau is prémius de s’eterna salvatzioni, cuncedeimí,
bosi ndi pregu, chi meditendi cussus Mistérius de su Sacratíssimu Rosàriu de sa
Beata Vírgini Maria, ímiti su chi cuntenit e consiga su chi promitint. Aici siat.
In su Rosàriu:
De sa Beata Vírgini Maria Addolorada si ndi cumpatint: Is Seti doloris
Primu dolori – Sa Profetzia de su Profeta Simeoni.
Bosi cumpatu, Addolorada Maria, po s’aflitzioni chi su Bostu téneru coru sufresit in
sa profetzia de su santu béciu Simeoni. Cara Mamma, po su coru Bostu aici aflitu,
impetraimí sa virtudi de s’umilidadi e su donu de su santu timori de Deus.
Segundu dolori – Sa fuida in s’Egitu.
Bosi cumpatu, Addolorada Maria, po cudhas angustias chi su coru Bostu sensibilíssimu
at sufertu in sa fuida e permanéntzia in s’Egitu. Cara Mamma, po su coru Bostu
angustiau, impetraimí sa virtudi de sa mortificatzioni e su donu de sa piedadi.
339