Is Pregadorias antigas: su signo de sa devozioni - Provincia del ...

Comune di San Gavino (Santuéngiu)
Gesugristu Signori Nostu, a su cali est onori, glória, potestadi e impériu, in is séculus
de is séculus. Aici siat.
In nòmini de su Babbu, de su Fillu e de s’Ispíritu Santu. Aici siat.
Pregadorias po su noti 396
Po su signali de sa Santa Gruxi de is enemigus nostus, libberanosí, Deus nostu. In
nòmini de su Babbu, de su Fillu e de s’Ispíritu Santu. Aici siat.
Deus miu onnipotenti, eternu, piedosíssimu, dèu mi prostru ananti de sa Magestadi Bosta
infinita, e bos adoru profundamenti po Creadori miu. Redentori, Santificadori e Giugi.
Osi ringràtziu, Deus miu, de totus is benefítzius chi m’eis fatu in custa dí e bosi
rennovu is ossécujus, is ofertas, e totus is protestas chi bos apu fatu custu mangianu,
e chi bosi pregu de acetai unidamenti a is atus de fidi, de isperantza de amori e de
pregadoria chi immoi bosi presentu po mesu de Maria Santíssima, de S. Giusepi e de
is Àngelus e Santus de su Paradisu.
Atu de fidi 397
Poita chi Deus, beridadi infallíbbili, at nau a sa Crésia, e po mesu de sa Santa Crésia
narat a nosàterus, creu firmamenti chi nc’est Deus, su cali prémiat is bonus, e castigat
is malus. Creu chi custu Deus est unu solu in tres personas realmenti distintas, Babbu,
Fillu e Ispíritu Santu. Creu chi su Fillu de Deus si est fatu ómini in is puríssimas
intragnas de Maria Vírgini po òpera de s’Ispíritu Santu; coment’e ómini est mortu in
sa Gruxi po is pecaus nostus, e sa tertza dí est resuscitau. Creu totus is àteras beridadis
de sa Fidi nosta Santíssima po su própriu motivu chi Deus dhas at nadas a sa Santa
Crésia e po mesu de sa Santa Crésia dhas narat a nosàterus.
Atu de isperantza 398
Deus miu, poita chi seis onnipotenti, misericordiosíssimu e fidelíssimu, isperu chi
m’eis a donai sa vida eterna chi m’eis promítiu po is méritus de Gesugristu, fendu
dèu òperas de bonu cristianu, comenti propongu de fai cun is santus ausílius bostus,
is calis isperu de sa bondadi bosta infinita.
Atu de caridadi 399
Deus miu, bos amu prus de totu is cosas, bos amu po is bènis chi de Bosu apu arriciu,
bos amu po is bènis chi ancora aspetu de arriciri; ma principalmenti bos amu po èssiri
335