Is Pregadorias antigas: su signo de sa devozioni - Provincia del ...

332
Dolorosus lamentus de Maria 394
(Sólitus cantaisí in sa dí de sa piedadi)
Fillus, chi bolleis formai
de làgrimas duus arrius,
is crudelis doloris mius
unu pagu cuntemplai.
Custu coru trapassau
Bosi movat a cumpassioni,
candu su profeta Simeoni
mi dh’iat profetizau
de biri unu fillu amau
in d-una gruxi inclavai.
Unu Erodi persighendi
a s’infanti miu Gesús
su dolori prus e prus
bandat in mei aumentendi;
de su furori iscampendi
a s’Egitu andàt a abbitai.
De penas ingiriada
po tres dis circu e non biu
a s’amau fillu miu
ch’in su templu disputada,
biendumí abbandonada
non mi potzu consolai.
Seu casi dismajendi
ca sa pena est tropu forti,
cundennau a infami morti
unu fillu cuntemplendi,
sa gruxi a pala portendi,
apena podit andai.
Mi mancat giai su respiru
candu sa penosa gruxi
de custu mundu sa luxi
eclissada dèu dha miru;
m’est alléviu su suspiru,
consolu su lagrimai.
Una crudeli lantzada
chi su petus at abertu
de unu fillu, ancora at fertu
IS PREGADORIAS ANTIGAS - SU SIGNU DE SA DEVOTZIONI
a mei mamma tribbuliada,
po is penas seu riservada,
bivu po agonizai.
Sola restu in amalgura
de totus abbandonada,
ca de mei s’est apartada
s’allirghia e sa dulciura;
una trista sepoltura
at pótziu tantu lograi.
Mammas chi fillus teneis
e de coru dhus istimais,
si afligida mi mirais
su motivu giai iscieis,
est giustu chi cunfesseis
chi mi potzu lamentai.
In sa solidadi trista
restu immoi e isconsolada,
de angustias acumpangiada,
de aflitzionis provista;
aundi fúrriu sa vista
penas solu depu incontrai.
Cudhu gosu chi tenia
cudhu cuntentu in Betlemme,
s’ingrata Gerusalemme
dh’at cunvértiu in agonia;
in custa tanta allirghia
iat a benni a parai.
Immoi sunti cessaus
cudhus angélicus cantus,
is donus e ossécujus tantus
de tres reis umiliaus,
totus sunti cambiaus
in penas po aturmentai.
Dógnia cuntentu tenia
cun mirai solamenti
fillu tantu ubbidienti,
fillu càusa de allerghia,
fillu chi sa tirannia
sola at pótziu sepultai.