Is Pregadorias antigas: su signo de sa devozioni - Provincia del ...

Comune di San Gavino (Santuéngiu)
E allirgu as imprassau
Su Deus tuu Sagrau
Po sighiri su camminu.
In tui si cunfidaus...
De sa sceda a su tirannu
Depiat issu torrai contu,
Cuntentu, allirgu e prontu
Si decrarat Cristianu:
Arriciu apu a mengianu
Su Batísimu Divinu.
In tui si cunfidaus...
Ordinàt su Presidenti
Chi fessat degolliau
E in su mari fuliau
Cun feroci coru ardenti;
Fiat un’órdini potenti
In Balai logu marinu.
In tui si cunfidaus...
Su Divinu Redentori
Po sa Virtudi notória
T’arregollit in sa grória,
Ti cuncedit su favori
D’èssi nostu difensori
E ti pregaus de continu.
In tui si cunfidaus...
O nóbbili capitanu
De s’eterna gerarchia,
po nosu siast sa ghia
Santu Màrtiri Turritanu,
Sa prama me in sa manu
Portas po prémiu Divinu.
In tui si cunfidaus...
In Santuéngiu afestau
Cun fervori e devotzioni,
Mandasí beneditzioni,
Cavalieri Santu istimau,
A chi sempri ti at pregau
E a dónnia pellegrinu.
In tui si cunfidaus...
Cògius de su mesi de Maria 393
Cun cànticu de allegria
Ingenugaus a is peis tuus,
Allabeus prus e prus
In custu mesi a Maria.
Anna est mamma fortunada,
Giuachinu babbu diciosu
De custu partu gratziosu,
De custa Filla adorada
In tempus preanuntziada
Impari cun su Messia.
Allabeus...
In terra de Palestina,
De dógnia gràtzia adornada
Totu bella e immaculada
Nascit custa Mamma divina.
In custa vida meschina
Nos sias amparu e vera ghia.
Allabeus...
Santa domu nazarena
De patriarcas bramada,
De Deus destinada
Cun nóbbili ispirada vena,
Domu pòbera ma piena
De dógnia gràtzia nodia.
Allabeus...
In sa prus tènera edadi
A Deus s’est consacrada,
A su témpiu presentada
De sa santa Trinidadi,
Isprigu de verginidadi
Ti declarat Vírgini e pia.
Allabeus...
Cun sa celesti ambasciada
In sa ostra abitatzioni
S’adoràbbili Incarnatzioni
De su verbu s’est averada
In Tui, Vírgini sagrada,
Segundu sa profetzia.
Allabeus...
331