Is Pregadorias antigas: su signo de sa devozioni - Provincia del ...

Comune di San Gavino (Santuéngiu)
po chi cun Tui in sa glória
alabit s’Altu Signori.
Antoni...
Ave Maria 387
Deus ti salvit, Maria,
Chi ses de gràtzia plena,
De gràtzia ses sa vena
E sa currenti.
Su Deus onnipotenti
Cun tegus est istau,
Giaghí t’at preservau
Immaculada.
Benedita e alabada
Tra is féminas gloriosa,
Mamma, Filla e Isposa
De su Signori.
Beneditu su fiori,
Gesús verbu divinu,
Chi noi mesis in sinu
Tui as portau.
Prega su Fillu amau
Po nosu, pecadoris,
Po chi totu is erroris
Nosi perdonit.
E gràtzias nosi donit
In vida e in sa morti,
E sa diciosa sorti,
In Paradisu.
Avi Maria 388
Deus ti salvit, santa e pura,
bella isposa nazarena,
de sa Gràtzia tui ses plena
prus de dónnia creatura.
Est cun grandu ammiratzioni
de sa corti celestiali
su sinu tuu virginali
est de Deus abbitatzioni.
De sa discendentza aflita
de nos atura reina
in manera pellegrina
solu tui ses benedita.
Beneditu prus e prus
siat cudhu frutu divinu
chi portestis in su sinu,
beneditu siat Gesús.
Tui chi ses mama clementi
de su Deus redentori
ca po dónnia pecadori
pregas a Deus onnipotenti.
Preghedhu, o santa Maria,
po custa vida penosa
e po s’ora turmentosa
finas a èssi in agonia.
Cantus de Cida Santa 389
327
In Sardínnia no esistit festa religiosa chena
de portai a cumprimentu sa costumàntzia
sarda, siant ritualis, pregadorias o
cantus. In sa ricurréntzia de sa Pasca
Manna massimamenti in sa cida Santa in
medas logus cantant is Lamentus de Maria,
cantus antighíssimus chi is Sardus ant
cumpostu po sa piedadi de Nosta Sennora:
Seti ispadas de dolori, Is crudelis doloris
mius, Cògius de cida Santa, ecc...
In donniunu de custus cantus est sempri
sa mamma de Deus chi si chèsciat po fai
connosci a su mundu su dolu de una mamma
po sa morti de su fillu.
Un’àteru cantu antighíssimu chi tenit cincuxentus
annus de istória si fadiat in Santuéngiu
sa cenàbara Santa intr’e mesu de
su Scravamentu, candu sa Maddalena
amostàt a su pópulu sa corona de is ispi-