Is Pregadorias antigas: su signo de sa devozioni - Provincia del ...

320
Statzioni XII
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
IS PREGADORIAS ANTIGAS - SU SIGNU DE SA DEVOTZIONI
In custa dodicésima statzioni si rapresentat su logu aundi fiat istétia plantada sa gruxi.
Cunsidera, ànima cristiana, s’ispàsimu provau de Gesús intzaras candu si fiat plantada
sa gruxi. Àrtzia is ogus e cuntempla su bonu Gesús pendenti de cussa gruxi; epuru
mancai crudelmenti siat tratau, nienti de mancu pregat po is chi dh’ant crucificau, promitit
su paradisu a su bonu ladroni, e racumandat a s’Apóstulu Santu Giuanni s’afligidíssima
mamma sua Maria Santíssima, racumandat a s’eternu Babbu suu s’ànima sua e
apustis inclinendu sa conca su bonu Gesús donat s’últimu respiru. Deh! o ànima riscatada
de su sànguini de unu Deus, prostrada a peis de cussa gruxi prega e nara de coru: O
Gesús miu, apustis de unu perdonu aici solenni a is nemigus bostus, apu a sighiri dèu a
odiai is chi mi ódiant, e non apu a pregai po issus? No, o Gesús miu, a peis de custa
gruxi aundi Bosu consumastis sa vida bosta pretziosa, firmamenti propongu de amai is
nemigus mius, e de dhus beneficai assistiu sèmpiri de sa divina gràtzia bosta.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori.
Iuxta crucem tecum stare
et me tibi sociare
in planctu desidero.
Statzioni XIII
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
In custa tredicésima statzioni si rapresentat su logu aundi Gesús fiat istétiu abbasciau
de sa gruxi e postu in is bratzus de s’afligidíssima mamma sua Maria Santíssima.
Cunsidera, o ànima cristiana, cali ispada de dolori iat trapassau su coru de Maria
arricendu Issa in is bratzus suus su mortu Gesús. Intzaras iat Issa bèni osservau sa
conca trapassada de is crudelis ispinas, sa faci deformada de su sànguini e de is
ispudus de cussus pérfidus, su corpus totu plenu de liagas, e s’adoràbbili costau obertu
de crudeli lantza. Oh! cali dolori at a èssiri istétiu su de Maria osservendu in cussu
míseru istadu s’únicu e amau Gesús. Deh! movidí de una borta a cumpassioni de
cussa isconsolada mamma e nara cun coru pentiu: O Reina de is màrtiris Maria,
domandai a su mortu Gesús cumpassioni de cust’ànima infelitzi. Deh! o Vírgini dolorosa
fei chi is làgrimas bostas non siant po mei sentza frutu. Trapassai, o Vírgini
piedosa custu pérfidu coru miu cun d-un’ispada de dolori, po chi dèu potza pràngiri
dí e noti is culpas mias fintzas a otènniri de Gesús s’isperau perdonu.